ఎన్టీఆర్ ఫ్యాన్స్‌కి ఈద్ కానుక వచ్చేసింది

యంగ్ టైగర్ ఎన్టీఆర్ ఫ్యాన్స్‌కి ఈద్ కానుక వచ్చేసింది. రేపే రంజాన్ పర్వదినం కావడంతో ఈ సందర్భంగా జై లవ కుశ సినిమా రిలీజ్ డేట్ ప్రకటించారు ఆ చిత్రాన్ని నిర్మిస్తున్న నందమూరి కల్యాణ్ రామ్. బాబీ డైరెక్షన్‌లో ఎన్టీఆర్ హీరోగా తెరకెక్కుతున్న ఈ అప్‌కమింగ్ మూవీని సెప్టెంబర్ 21న రిలీజ్ చేయనున్నట్టు కల్యాణ్ రామ్ ఎన్టీఆర్ ఆర్ట్స్ బ్యానర్ అధికారిక ట్విటర్ ఖాతా ద్వారా వెల్లడించారు.
Here is a surprise little Eid gift for everyone. September 21st is Young Tiger @tarak9999's #JaiLavaKusaReleaseDate— NTR Arts (@NTRArtsOfficial) June 25, 2017
టెంపర్, నాన్నకి ప్రేమతో, జనతా గ్యారేజ్ వంటి హిట్స్ తర్వాత మళ్లీ ఎన్టీఆర్ నటిస్తున్న సినిమా కావడంతో 'జై లవ కుశ'పై యంగ్ టైగర్ అభిమానుల్లో భారీ అంచనాలే వున్నాయి. ఈ సినిమాకు వున్న మరో ప్రత్యేకత ఏంటంటే... మొదటిసారిగా ఎన్టీఆర్ ఆర్ట్స్ బ్యానర్‌‌పై జూనియర్ హీరోగా కల్యాణ్ రామ్ నిర్మిస్తున్న సినిమా కూడా ఇదే.