బాలయ్య గురించి తప్పుగా చెప్పారు.. ఎవరికీ తెలియని విషయం ఏంటంటే: హీరోయిన్ హరిప్రియ

చూడ్డానికి చాలా గంభీరంగా ఉండే నందమూరి బాలకృష్ణను దగ్గర నుంచి చూసిన చాలామంది ఇండస్ట్రీ జనాల నుంచి వినిపించే మాట.. ఆయనది చిన్న పిల్లాడి మనస్తత్వం అని. నిజానికి బాలయ్యపై చాలామంది చాలా విధాలుగా కామెంట్స్ చేస్తుంటారు. మరికొంతమంది అయితే పనికట్టుకుని ట్రోల్ చేస్తుంటారు. అత్యుత్సాహం చూపించే ఫ్యాన్స్‌ని మీడియా ముందే చెంపలు పగిలేలా పరిగెత్తించి కొట్టడం.. సినిమా ఈవెంట్లలో ఏదో మాట్లాడాలనుకుని ఇంకేదో మాట్లాడటం లాంటి ఇష్యూస్‌తో బాలయ్య ట్రోల్ అవుతూ ఉంటారు. ఈ సందర్భంలో ఆయనపై చాలా నెగిటివ్ కామెంట్స్ వినిపిస్తూ ఉంటాయి.

అయితే ఎవరు ఏమనుకున్నా డోన్ట్ కేర్.. ఈ ప్రపంచంలో నాకు నేనంటేనే ఇష్టం.. నాకు నచ్చినట్టుగానే ఉంటా.. ఎవరో చెప్తే వినే బ్లడ్ కాదు నాది అంటూ గుండబద్దలుకొట్టేసే బాలయ్య నిజమైన మనస్థత్వం ఏంటో.. ఆయన సెట్‌లో ఎలా ఉంటారో తెలియజేసింది జై సింహా హీరోయిన్ హరిప్రియ.

ఇటీవల బాలయ్య.. ఇండస్ట్రీ పెద్దలపై చేసిన హాట్ కామెంట్స్‌తో ఆయనకు సంబంధించిన కొన్ని వీడియోలో యూట్యూబ్‌లో వైరల్ అవుతున్నాయి. ఈ తరుణంలో రెండేళ్ల క్రితం హీరోయిన్ హరిప్రియ బాలక్రిష్ణ గురించి మాట్లాడిన మాటలు వైరల్ అవుతున్నాయి. హరిప్రియ మాట్లాడుతూ.. ‘బాలయ్య బాబు గారితో సినిమా అంటే చాలా ఆసక్తిగా ఎదురుచూశా.. కాని చాలా మంది ఆయన గురించి చెడుగా చెప్పారు.. బాలయ్యకి కోపం ఎక్కువ బీ కేర్ ఫుల్ అన్నారు. దీంతో సెట్‌కి భయంతోనే వెళ్లాను. కాని ఫస్ట్ డే షూటింగ్‌కి వెళ్లినప్పుడు ఆయన గ్రాండ్ వెల్కమ్ చెప్పారు.

ఆయనే స్వయంగా దగ్గరుండి సెట్‌లోకి వచ్చిన ప్రతి ఒక్కరికి పరిచయం చేశారు. ఈమె హరిప్రియ.. కన్నడలో పెద్ద హీరోయిన్ అంటూ నా గురించి చెప్తుంటే చాలా ఆనందంగా అనిపించింది. ఒక వ్యక్తి అందరితో ఒకేలా ఉండటం కుదరదు. బాలయ్య గారి గురించి తెలియని వాళ్లు ఏదో మాట్లాడుతుంటారు. ఆయనతో జర్నీ చేస్తే బాలయ్య అంటే ఏంటో తెలుస్తోంది. ఆయనకు కోపం వస్తుందేమో అన్నట్టుగా ఆయనదగ్గర నేను లేను.. నేను నేనుగా ఉన్నాను. బాలయ్య గారు ఎదుటి వ్యక్తిలో అది గమనిస్తారు. ఎదుటి వ్యక్తిని బట్టే ఆయన రియాక్షన్ ఉంటుంది’ అంటూ చెప్పుకొచ్చారు జై సింహా మూవీ హీరోయిన్ హరిప్రియ. ఈ చిత్రంలో ఆమె మంగ పాత్రలో మెరిశారు.