ఫోటో స్టోరీ: క్యూలో పవన్ కళ్యాణ్!! ఆయన వెంటే..

జనసేన అధినేత పవర్ స్టార్ పవన్ కళ్యాణ్ పోరాట యాత్ర బ్రేక్‌లతో సాగుతోంది. ఉత్తరాంధ్రలో గత నెల 20న ఇచ్చాపురంలో ప్రారంభమైన పవన్ పోరాట యాత్ర శ్రీకాకుళం, విజయనగరం జిల్లాల్లో కంప్లీట్ చేసుకుని విశాఖ జిల్లాకు చేరుకుంది. సెక్యురిటీ పరమైన ఇబ్బందులు తలెత్తడంలో తొలిత పలాసలో తన పర్యటనకు బ్రేక్ ఇచ్చిన పవన్ కళ్యాణ్.. ఆది, సోమవారాల్లో సైతం యాత్రలకు బ్రేక్ ఇచ్చి ప్రత్యేక సమావేశాలను నిర్వహించారు. సోమవారం నాడు విశాఖ జిల్లా అరకులో గిరిజనులతో సమావేశమైన ఆయన గిరిజనుల సమస్యలు, అత్యవసర సౌకర్యాలపై సమీక్ష నిర్వహించారు.

ఈ సందర్భంగా అరకు, పాడేరు పరిసర ప్రాంతాల్లోని గిరిజన తండాలలో తిరుగుతూ అక్కడ సమస్యల్ని స్వయంగా అడిగితెలుసుకున్నారు. ఇక అరకు అంటేనే ప్రకృతి సౌందర్యానికి కేరాఫ్ అడ్రాస్. ఎటుచూసిన అందమైన కొండలు, లోయలు, వాగులతో పచ్చని రమణీయ ప్రదేశాలే దర్శనం ఇస్తాయి. తాజాగా పవన్ కళ్యాణ్ అరుకు దగ్గర్లో ఉన్న ఓ గిరిజన తండాకు పచ్చని పొలాల మధ్యలో నుండి నడుచుకుంటూ వెళ్తుంటే.. ఆ వెనుకే కొంతమంది జనసైనికులు ఆయన మార్గంలో నడుస్తూ.. క్యూ పద్దతిని పాటిస్తున్న ఫోటో ట్విట్టర్‌లో పోస్ట్ చేశారు.
ఎత్తైన కొండలపై పచ్చికబయళ్లు, పొగ మంచు, తెల్లటి వస్తాలతో పవన్ కళ్యాణ్.. మొదటి అడుగు పవన్‌ది అయితే.. ఆయన అడుగుల్లో అడుగులేస్తూ క్రమపద్దతిలో నడుస్తున్న జనసేన కార్యకర్తలు.. ఈ క్యూ లైన్‌కి మరికొంత దూరంలో వీళ్లనే ఫాలో అవుతున్న చిన్నారుల క్యూ లైన్. ఈ ఫోటో ఇప్పుడు జనసేనానులకు విపరీతంగా నచ్చేస్తూ సోషల్ మీడియాలో ట్రెండ్ అవుతోంది. పవన్ క్యూ పద్దతిని మీరూ చూడండి.