Janasena kavathu: ‘పద పద పద పవనమై పద’ జనసేన కవాతు సాంగ్ ఇదిగో

రానున్న ఎన్నికల్లో జనసేన పార్టీ గెలుపుదిశగా పార్టీ అధినేత, పవర్ స్టార్ పవన్ కళ్యాణ్ వ్యూహాత్మకంగా అడుగులు వేస్తున్నారు. ఇప్పటికే పోరాట యాత్రతో జనంలోకి వెళ్లిన పవన్ కళ్యాణ్.. ఈ నెల 15న తూర్పుగోదావరి జిల్లా పర్యటనకు శ్రీకారం చుట్టారు. ఈ పర్యటనలో భాగంగా.. ధవళేశ్వరం బ్యారేజ్‌పై భారీ ఎత్తున కవాతు నిర్వహించేందుకు ఏర్పాట్లలలో నిమగ్నమయ్యారు.

ఈ కార్యక్రమానికి లక్షలాదిగా జనసైనికులు తరలివచ్చేందుకు ఆయా ఏర్పాట్లలో ఉన్నారు. సోషల్ మీడియాలో ‘జనసేన కవాతు’పై పెద్ద ఎత్తున ప్రచారం నడుస్తోంది. మధ్యాహ్నం రెండు గంటలకు జనసైనికులతో కలిసి కవాతు ప్రారంభిస్తారు పవన్. ధవళేశ్వరం బ్యారేజీ మీదుగా ఈ కవాతు సాగుతుంది. అనంతరం జరిగే బహిరంగ సభలో జనసేనాని మాట్లాడుతారు.
తాజాగా ఈ కవాతు కోసం ప్రత్యేకంగా ఓ పాటను రూపొందించారు. యంగ్ అండ్ టాలెంటెడ్ సంగీత దర్శకుడు తమన్ ‘జనసేన కవాతు’ సాంగ్‌కి మ్యూజిక్ అందించగా.. రామజోగయ్య శాస్త్రి లిరిక్స్ అందించారు. తాజాగా పవన్ కళ్యాణ్ ట్విట్టర్ ద్వారా ఈ సాంగ్ రిలిక్స్‌ను విడుదల చేశారు. త్వరలో పూర్తి సాంగ్‌ను విడుదల చేస్తామంటూ.. సాంగ్ రికార్డింగ్ వీడియోను పోస్ట్ చేశారు. ‘పద పద పద పవనమై పద’ అంటూ సాగిన ‘జనసేన కవాతు’ సాంగ్ లిరిక్స్ మీకోసం..