Janhvi Kapoor: ఎయిర్‌పోర్ట్‌కు దిండు తెచ్చుకున్న జాన్వీ కపూర్.. వీడియో వైరల్!

‘దఢక్’ మూవీతో బాలీవుడ్‌కు డెబ్యూ హీరోయిన్‌గా ఎంట్రీ ఇచ్చిన జాన్వీ కపూర్ (Janhvi Kapoor).. మంచి నటిగా గుర్తింపు తెచ్చుకుంది. ఇదే క్రమంలో గతేడాది ‘గుడ్ లక్ జెర్రీ, మిలి (Mili)’ చిత్రాలతో ప్రేక్షకులను అలరించిన బ్యూటీ.. ప్రస్తుతం ‘దేవర’ (Devara) చిత్రంలో జూనియర్ ఎన్టీఆర్‌‌కు (Jr NTR) సరసన నటిస్తోంది. తెలుగులో తనకు ఇదే మొదటి సినిమా కాగా.. ఒకప్పుడు ఆమె తల్లి, దివంగత నటి శ్రీదేవికి (Late Sridevi) ఇక్కడ ఎలాంటి స్టార్‌డమ్ ఉండేదో తెలిసిందే. శ్రీదేవి మాదిరిగానే స్టార్ హీరోయిన్ రేంజ్‌కు ఎదగాలని కలలు కంటున్న జాన్వీ పాప.. రీసెంట్‌గా హోటల్ నుంచి ఎయిర్‌పోర్ట్‌కు వస్తున్న వీడియో నెట్టింట వైరల్ అవుతోంది. ఈ సందర్భంగా ఆమె ఒక దిండును తీసుకురావడమే అందుకు కారణం కాగా.. దీనిపై నెటిజన్లు విపరీతంగా ట్రోల్ (Trolls On Janhvi) చేస్తున్నారు.విషయానిస్తే.. జాన్వీ కపూర్ సోమవారం ముంబై ఎయిర్‌పోర్టులో (Mumbai Airport) చేతిలో దిండులో కనిపించింది. ఆమె వైట్ కలర్ దిండుతో కారు దిగి లోపలికి రావడం అందరి దృష్టిని ఆకర్షించింది. ఇందుకు సంబంధించిన వీడియో కూడా సోషల్ మీడియాలో వైరల్ కాగా.. ఈ సందర్భంగా ఆమె ధరించిన స్టైలిష్ సమ్మర్ అవుట్‌ఫిట్స్ కూడా నెటిజన్లను ఫిదా చేశాయి.

కాగా బీటౌన్ ఫొటోగ్రాఫర్ వైరల్ భయాని పోస్ట్ చేసిన వీడియోలో దిండుతో లోపలికి వచ్చిన జాన్వీ.. కెమెరాలకు పోజులు కూడా ఇచ్చింది. బ్లూ కలర్ స్ట్రాపీ డ్రెస్‌లో చాలా అందంగా కనిపించగా.. తన కర్లీ హెయిర్ స్టైల్ కూడా చూపరులను ఆకట్టుకుంది. ఇక ఈ వీడియో నెట్టింట వైరల్ కావడంతో స్పందిస్తున్న నెటిజన్లు.. జాన్వీని ట్రోల్ చేయడం మొదలుపెట్టారు. ‘హోటల్ నుంచి దిండును ఎత్తుకొస్తున్నావా?’ అని ఒక యూజర్ పేర్కొంటే.. ‘విమానంలో పిల్లో ఫైట్?’ అంటూ మరొకరు కామెంట్ చేశారు. అంతేకాదు ‘అరె.. ఫస్ట్ క్లాస్‌లో దిండ్లు లేవు. ఇప్పుడు స్టార్స్ తమ సొంత దిండ్లు తీసుకెళ్లాలి’ అని ఎవరికి తోచిన విధంగా వాళ్లు కామెంట్ చేస్తున్నారు.

ఇదిలా ఉంటే, జాన్వీ ప్రస్తుతం జూనియర్ ఎన్టీఆర్ ‘దేవర’ షూటింగ్‌తో బిజీగా ఉంది. దీంతో పాటు రాజ్‌కుమార్ రావు నటించిన ‘మిస్టర్ అండ్ మిసెస్ మహి’, ‘ఉలజ్’ సినిమాలు ఆమె లైనప్‌లో ఉన్నాయి. మరోవైపు వరుణ్ ధావన్‌తో ‘బవాల్’ చిత్రంలో నటిస్తుండగా.. అతనితో జాన్వీ కపూర్‌కు ఇదే మొదటి సినిమా కావడం విశేషం.

• Read latest Tollywood updates and Telugu News