డేటింగ్ కోసం జొమాటో యాప్ వాడతానన్న జాన్వీ.. జొమాటో రిప్లై సూపర్!

శ్రీదేవి కూతురు జాన్వీ కపూర్ ధడక్ సినిమాతో హిట్ కొట్టింది. దీంతో ఆమెతో నటించేందుకు టాప్ హీరోలు సైతం ఆసక్తి చూపుతున్నారు. ఇటీవలే కాఫీ విత్ కరణ్ ప్రోగ్రాంలో పాల్గొన్న ఆమె.. ఆసక్తికర వ్యాఖ్యలు చేసింది. ర్యాపిడ్ ఫైర్ ప్రశ్నల్లో భాగంగా విజయ్ దేవరకొండ పేరు చెప్పిన ఆమె.. అతడిలో సెక్స్ అప్పీల్ తనకు నచ్చుతుందని చెప్పింది. ధడక్‌లో కలిసి నటించిన ఇషాన్ తనకు మంచి స్నేహితుడు మాత్రమేనని చెప్పింది.

ఏదైనా ఆన్‌లైన్ డేటింగ్ యాప్‌లో అకౌంట్ ఓపెన్ చేస్తారా? అని జాన్వీని కరణ్ ప్రశ్నించాడు. దీనికి ఆమె బదులిస్తూ.. డేటింగ్ కోసం తాను జొమాటో యాప్‌ను ఉపయోగిస్తానని చెప్పింది. ఎందుకని కరణ్ అడిగిన ప్రశ్నకు ఆమె క్యూట్‌గా బదులిచ్చింది. జొమాటోలో ఇతరులు ఏ రెస్టారెంట్లకు వెళ్తున్నారు, ఏ ఆహారాన్ని ఇష్టపడుతున్నారో చూసి డేటింగ్ విషయంలో నిర్ణయం తీసుకుంటానని ఆమె చెప్పింది.
జాన్వీ కపూర్ తమ పేరు ప్రస్తావించడంతో జొమాటో ఫుల్ ఖుషీ అయ్యింది. ‘ఈ వారానికి మార్కెటింగ్ డబ్బులు మిగిలాయ్. థ్యాంక్యూ జాన్వీ కపూర్’ అని సమాధానం ఇచ్చింది.