నటుడు జితేంద్రపై అత్యాచారం ఆరోపణలు

బాలీవుడ్ సీనియర్ నటుడు జితేంద్రపై అతని మేనకోడలు అత్యాచారం ఆరోపణలు చేసింది. షూటింగ్ చూద్దామని వెళ్లిన తనపై హిమాచల్‌ప్రదేశ్‌లో జితేంద్ర ఈ అఘాయిత్యానికి పాల్పడినట్లు తాజాగా ఆమె పోలీసులకి ఫిర్యాదు చేసింది. 1971‌లో ఈ ఘటన జరగగా.. ఫిర్యాదు చేయడానికి అప్పట్లో భయపడిన తాను.. తాజాగా సోషల్ మీడియా ప్రాబల్యం, మహిళా సంఘాల చేయూతతో ధైర్యం చేసినట్లు వెల్లడించింది.

‘ఈ ఘటన జరిగినప్పుడు నా వయసు 18ఏళ్లు. నా మేనమామ అయిన జితేంద్ర సినిమా షూటింగ్ హిమాచల్‌ప్రదేశ్‌లో జరుగుతుండగా.. చూసేందుకు అక్కడికి వెళ్లాను. అప్పుడే నాపై అతను అత్యాచారం చేశాడు. జితేంద్ర‌కి అప్పటికే బాలీవుడ్‌, రాజకీయాల్లో పలుకుబడి ఉండటంతో ఫిర్యాదు చేసేందుకు భయపడ్డాను. నాకు జరిగిన అన్యాయాన్ని తలుచుకుని నా తల్లిదండ్రులు బాధపడుతూనే కన్నుమూశారు’ అని బాధితురాలు వెల్లడించింది. పోలీసులు ఈ మేరకు కేసు నమోదు చేసుకుని.. విచారిస్తున్నారు.