క్లాప్ బోర్డ్‌‌పై.. ‘జై లవకుశ’ ఫిక్స్!

ఈ మధ్య కాలంలో మేకర్స్ తాము సినిమా కోసం అనుకున్న టైటిల్‌ను బయటకు ముందుగానే లీక్ చేయడం సోషల్ మీడియాలో దానికొస్తున్న రెస్పాన్స్‌ను బట్టి ఆ టైటిల్‌ను ఫైనల్ చేయాలా? లేదా? అని ఆలోచిస్తున్నారు. ఎక్కువ శాతం ప్రేక్షకులు వోటు వేసిన టైటిల్‌నే ఫైనల్ చేస్తున్నారు.

అలానే ఎన్టీఆర్, బాబీ దర్శకత్వంలో సినిమా కోసం 'జై లవకుశ' అనే టైటిల్ అనుకుంటున్నట్లుగా వార్తలు వచ్చాయి. అభిమానుల్లో కూడా ఈ టైటిల్‌కు మంచి స్పందనే లభించింది. తాజాగా ఈ టైటిల్ కన్ఫర్మ్ అయినట్లుగా తెలుస్తోంది. సినిమా చిత్రీకరించేప్పుడు క్లాప్ బోర్డ్ మీద ఆ సినిమా పేరు ఉండటం సహజం, తాజాగా ఎన్టీఆర్-బాబీ మూవీ షూటింగ్‌లో క్లాప్ బోర్డ్‌పై 'జై లవకుశ' అని రాసే షూటింగ్ జరుపుతున్నారట.

అలానే ఓ సందర్భంలో సంగీత దర్శకుడు దేవిశ్రీప్రసాద్ కూడా 'జై లవకుశ' అంటూ ఈ టైటిల్ గురించి మాట్లాడారు. దీంతో ఈ సినిమా టైటిల్ ఖాయమయినట్లుగా తెలుస్తోంది. ఈ సినిమాలో ఎన్టీఆర్ త్రిపాతాభినయం చేయబోతున్నాడు. దానికోసం ఎన్టీఆర్ దాదాపు 10 కిలోల బరువు తగ్గాడు. ఈ సినిమాలో ఎన్టీఆర్‌కు జంటగా రాశిఖన్నా, నివేదా థామస్‌లు కనిపించబోతున్నట్లు తెలుస్తోంది. ఆగస్ట్‌లో ఈ సినిమాను రిలీజ్ చేయడానికి ప్లాన్ చేస్తున్నారు.