దటీజ్ ఎన్టీఆర్: ఆ డబ్బు పేదలకు పెట్టండి!

జూనియర్ ఎన్టీఆర్ మరోసారి రియల్ హీరో అనిపించుకున్నారు. అమెరికాలో త్వరలో జరగబోయే ‘తానా’మహాసభలకు ఆహ్వానం అందుకున్న జూనియర్ ఎన్టీఆర్ తనకు తన అన్న కళ్యాణ్ రామ్‌కు టికెట్స్ తీయొద్దని .. మేమే సొంతంగా టికెట్స్ పెట్టుకుని హాజరౌతామని అక్కడ వసతి ఖర్చులను కూడా తామే చూసుకుంటామని.. తమపై పెట్టే ఖర్చును పేద పిల్లల చదువు కోసం వినియోగించాలని ‘తానా’ నిర్వాహకులను కోరారట.

మరోవైపు కళ్యాణ్ రామ్ కూడా ‘తానా’ నిర్వాహకులకు ఇదే అభిప్రాయాన్ని తెలియజేశారట. తనకు తనతో పాటు వచ్చే వారికి టికెట్స్ మేమే చూసుకుంటాం అని తేల్చిచెప్పేశారట.

తానా నిర్వాహకులు ఇండస్ట్రీలో ఉన్న నటీనటులను , ఇతర ప్రముఖులను అమెరికాకు పిలిపించి పెద్ద ఎత్తున సభలు నిర్వహించడం.. వారికి విమాన టికెట్స్‌తో పాటు సకల సౌకర్యాలను ఏర్పాటు చేయటం ఆనవాయిగా వస్తుంది. దీనికి కొన్ని కోట్ల రూపాయలను ఖర్చుచేస్తుంటారు . తాజాగా ఈ నందమూరి హీరోలు ఆ ఆనవాయితీకి బ్రేక్ వేశారు.