Aravinda Sametha Box Office: వీర రాఘవ విధ్వంసం.. బాక్సాఫీస్ షేక్

బాక్సాఫీస్ బాద్ షా జూనియర్ ఎన్టీఆర్ కలెక్షన్స్ వేట మొదలుపెట్టాడు. ‘అరవింద సమేత వీర రాఘవ’ చిత్రంతో బాక్సాఫీస్‌ను షేక్ చేస్తున్నాడు. ఎన్టీఆర్, త్రివిక్రమ్ కాంబినేషన్‌లో భారీ అంచనాలతో నేడు (అక్టోబర్ 11) ప్రేక్షకుల ముందుకు వచ్చిన ఈ మూవీకి ప్రేక్షకులు బ్రహ్మరథం పడుతుండటంతో హిట్ టాక్‌ను సొంతం చేసుకుంది. ఇక కలెక్షన్ల విషయానికి వస్తే.. యూఎస్‌లో ఒకరోజు ముందుగానే విడులైన ఈ మూవీ కలెక్షన్ల వర్షం కురిపిస్తుంది. ఎన్టీఆర్‌కు ప్రపంచ వ్యాప్తంగా అభిమానులు ఉండటంతో ఒక్క యూఎస్‌లో 218పైగా స్క్రీన్‌లలో ప్రిమియర్ షోలను ప్రదర్శించారు.

ప్రముఖ మూవీ అనలిస్ట్ తరుణ్ ఆదర్శ్ ట్విట్టర్ ద్వారా ‘అరవింద సమేత వీర రాఘవ’ ప్రిమియర్ షో కలెక్షన్స్ వివరాలను తెలియజేశారు. యూఎస్ బుధవారం నాడు 218 లొకేషన్లలో విడుదలైన ఈ మూవీ $ 791,021 (రూ. 5.85 కోట్లు) రాబట్టినట్టు ట్వీట్ చేశారు.

Read Also: ‘అరవింద సమేత వీర రాఘవ’ రివ్యూ


Read Also: ‘అరవింద సమేత’ పవర్ ఫుల్ డైలాగ్స్ ఇవిగో.. పూనకమే

ఇక తెలుగు రాష్ట్రాల విషయానికి వస్తే.. ఎన్టీఆర్ కెరియర్‌లోనే హయ్యెస్ట్ గ్రాసర్ సాధించినట్టు నైజాం డిస్ట్రిబ్యూటర్, ప్రముఖ నిర్మాత దిల్ రాజు అఫీషియల్‌గా ప్రకటించారు.
ఇక ప్రి రిలీజ్ బిజినెస్ విషయానికి వస్తే.. ప్రపంచ వ్యాప్తంగా రూ. 92 కోట్ల బిజినెస్ సాధించిందని ట్రేడ్ అనలిస్ట్‌లు లెక్కలు కడుతున్నారు. సీడెడ్ థియేట్రికల్ రైట్స్, డిస్ట్రిబ్యూషన్, ఓవర్సీస్ ప్రి రిలీజ్ కలుపుకుని ఊహించని స్థాయి బిజినెస్ రాబట్టింది ఈ మూవీ. అయితే భారీ బడ్జెట్ మూవీ కావడంతో రూ. 140 కోట్ల రాబడితే బ్లాక్ బస్టర్ లిస్ట్‌లో అరవింద సమేతకు స్థానం దక్కుతుంది. మరో వారం పాటు వీర రాఘవుడి దూకుడు ఈ మాదిరే ఉంటే ఈ మార్క్ అందుకోవడం పెద్ద కష్టం కాదు.