బిగ్ బాస్ హౌస్‌లో ఉండలేనంటూ పారిపోయిన సంపూ

బిగ్ బాస్ తెలుగు సీజన్ వన్‌ రియాలిటీ షో 10వ ఎపిసోడ్ సంపూర్ణేష్ ఎలిమినేషన్ కావడంతో మరింత రంజుగా సాగింది. నిన్నటి ఎపిసోడ్‌లో ముమైత్ ఖాన్ ఏడుపు హైలైట్ కాగా ఈరోజు సంపూర్ణేష్ ఎమోషన్ కావడంతో సీరియస్‌గా సాగింది.ఇక ఈరోజు ఎపిసోడ్ హైలైట్స్ విషయానికి వస్తే... ముమైత్ ఖాన్ ఏడ్వడానికి ఖచ్చితంగా కల్పన బిహేవియర్‌ మాత్రమే కారణం అని సమీర్ మిగిలిన కుటుంబ సభ్యులతో అనడం.. అర్చన దానికి వంత పాడింది, కల్పన కెప్టెన్ అయినంత మాత్రాన చెప్పే విధానం తెలుసుకోవాలన్నారు. ఇక కెప్టెన్ హోదాలో కల్పన మిగిలిన సెలబ్రిటీలు అస్సలు రూల్స్ పాటించడం లేదని.. ఇన్నర్స్, బ్రాలు కూడా ఇష్టం వచ్చినట్టు పడేస్తున్నారని బిగ్ బాస్‌కు కంప్లైంట్ చేసింది. ఇక కల్పన నిన్న తనకు మాట్లాడే అవకాశం ఇవ్వలేదని తను అప్పుడు కూడా తనపై అధికారం చెలాయిస్తున్నట్టే మాట్లాడిందని ముమైత్ ఖాన్‌ హరితేజకి క్లారిటీ ఇచ్చింది.

ఇక ఎలిమినేషన్స్ విషయానికి వస్తే.. ఇప్పటికే ఎలిమినేషన్ జోన్‌లో ఉన్న సంపూర్ణేష్ బిగ్ బాస్‌పై ఆగ్రహం వ్యక్తం చేశాడు. తనకు ఈ నాలుగు గోడల మధ్య ఉండటం అస్సలు ఇష్టం లేదని తొందరగా డోర్స్ ఓపెన్ చేయకపోతే నేనే ఏం చేస్తానో నాకే తెలియదంటూ చేతికి వచ్చిన వస్తువులను ఇసిరేశాడు సంపూ. ఉదయం నుండి సాయంత్రం వరకూ వెయిట్ చేసినా బిగ్ బాస్ స్పందించక పోవడం‌పై ధనరాజ్ ఆగ్రహం వ్యక్తం చేస్తుంటే.. సంపూ నేను చచ్చిపోతున్నా అంటూ ఫైర్ కావడంతో కన్ఫూజన్‌ రూంకి పిలిచారు బిగ్ బాస్.


మీ సమస్య ఏంటని బిగ్ బాస్ అడగటంతో నేను ఎప్పుడు సింగిల్‌గా లేనని కుటుంబానికి దూరంగా ఎప్పుడూ ఉండలేనని ఇక్కడే ఉంటే ఏమైతోననే భయంతో నిద్రకూడా పట్టడం లేదని బిగ్ బాస్‌కి చెప్పడంతో బిగ్ బాస్ హౌస్ నుండి బయటకు పంపించారు. కాంట్రాక్ట్ మధ్యలో వదిలేయడంతో బిగ్ బాస్ తీసుకునే ఆర్థిక చట్టపరమైన ఇబ్బందులను ఎదుర్కోవడానికి సంపూ సిద్ధం కావడంతో బిగ్ బాస్ హౌస్ నుండి పంపించాము అని మిగిలిన సభ్యులకు బిగ్ బాస్ తెలియజేశారు.

Why is Burning star Burning with anger ??#BiggBossTelugu Tonight at 9:30 PM on @StarMaa #OPPOBiggBoss @oppomobileindia pic.twitter.com/XTWElmWldM — STAR MAA (@StarMaa) July 25, 2017
ఇక కుటుంబ సభ్యులకోసం ‘వేటాడు- వెంటాడు’అనే సరదా టాస్క్‌ని ఇచ్చారు బిగ్ బాస్. ఈ టాస్క్‌లో కత్తి కార్తీక అర్చన మధ్య రచ్చరేగింది. అర్చన తనపై చెప్పులు వేసిందని కత్తి కార్తీక ఫైర్ అయ్యింది. తనను కావాలని టార్కెట్ చేస్తున్నారని అర్చన తన బాధను ప్రిన్స్‌తో వెళ్లగక్కింది. ఇక సమీర్ ఫ్రాడ్ చేస్తున్నాడంటూ శివ బాలాజీ ఆగ్రహం వ్యక్తం చేస్తూ.. గౌరవం ఇస్తున్నప్పుడు కాపాడుకోవాలని ఛీ బ్రతుకు అంటూ ఫైర్ అయ్యే టీజర్ వదిలి రేపటి ఎపిసోడ్‌లో చూడండంటూ బిగ్ బాస్ తెలుగు సీజన్ 10 ఎపిసోడ్ ముగిసింది. మరి వీరి మధ్య రేగిన రచ్చ ఏంటో రేపటి ఎపిసోడ్‌లో చూడాల్సిందే.