బిగ్‌బాస్‌లో బొజ్జగణపతి అద్బుతహ:

బుల్లితెర బిగ్గెస్ట్ రియాలిటీ షో బిగ్‌బాస్ షో 40 ఎపిసోడ్‌లో పూర్తి చేసి.. వినాయక చవితినాడు ఫుల్ జోష్‌తో 41 ఎపిసోడ్ గణపతిపప్పా మోరియా అంటూ హూషారుగా నడిచింది. ఇక ఈరోజు ఎపిసోడ్ హైలైట్స్ విషయానికి వస్తే.. హౌస్‌లో వివాదాస్పదంగా మారిన ధనరాజ్ తనకు ఉన్న ఇబ్బందుల వల్ల హౌస్ మేట్స్‌ని కొంత ఇబ్బందులకు గురిచేశానని ఇక ముందు అలా జరగదని.. హౌస్ కెప్టెన్‌గా ఉన్న హరితేజకు క్షమాపణచెప్పాడు. ఇక సరదాగా శివబాలాజీని ఉద్దేశించి నువ్ దీక్షగురించి ఎలా భావిస్తున్నావని గర్ల్ ఫ్రెండ్‌గానా, లవర్‌గానా, సిస్టర్‌గానా అని అడగగా.. దీక్ష తనకు ఒక్కోసారి ఒక్కోలా కనిపిస్తుందని అప్పుడప్పుడూ లవర్‌గా ఫీల్ అవ్వాలనిపిస్తుందంటూ శివబాలాజీ దీక్షను ఆటపట్టించాడు. పక్కనే ఉన్న దీక్ష ఇదంతా చూస్తూ తెగ సిగ్గుపడిపోయింది.

ఇక హౌస్ కెప్టెన్‌గా ఉన్న హరితేజ ప్రిన్స్ బిగ్‌బాస్ టైటిల్‌ను కొట్టేందు పక్కాగా రెడీ అయ్యి వచ్చాడని తన ప్లాన్‌ని పక్కాగా అమలు చేస్తున్నాడంటూ శివబాలాజీ దగ్గర ఓపెన్ అయ్యింది. అయితే గేమ్‌ను గెలవాలన్న ప్రాసెస్‌లో అతడు చాలా కోల్పోతున్నాడన్న ధనరాజ్ మాట నిజమేనని ఇప్పుడు అనిపిస్తుందని అనగా.. వాడో సెల్ఫిష్ అని వాడి క్యారెక్టర్ అంతే అంటూ ముందు ముందు ఇంకా చూపిస్తాడన్నారు శివబాలాజీ.

Lord Ganesha visits the BIGG house!!! #GaneshChaturthi Spl#BiggBossTelugu Today at 9:30 PM on @StarMaa #OPPOBiggBoss @oppomobileindia pic.twitter.com/SDxgjFZbSB — STAR MAA (@StarMaa) August 25, 2017
మరోవైపు శుక్రవారం వినాయక చవితి సందర్భంగా బిగ్‌బాస్ హౌస్‌లో పండగ వాతావరణాన్ని నింపేందుకు.. బిగ్‌హౌస్‌లో సెలబ్రిటీల కష్టాలను తొలగించేందుకు హౌస్‌లోకి వినాయకుడు వస్తున్నాడని ఆయనకు సేవలుచేసి మీ కష్టాలను తొలగించుకోమని గణేష్ అవతారం నవదీప్ దర్శనం ఇస్తాడని.. మిగిలిన కన్టెస్టెంట్స్ పల్లెజనాలుగా ఉంటారని ఊరిపెద్దగా శివబాలాజీ, ఆయనకు భార్యగా దీక్ష ఉంటారని టాస్క్ మొదలు పెట్టాల్సిందిగా బిగ్‌బాస్ ఆదేశించడంతో నవదీప్ వినయకుడి గెటప్‌లోకి వచ్చేశాడు. కన్టిస్టెంట్స్ అందరూ పల్లెజనం పాత్రల్లో ఒదిగిపోయారు. ఆటపాటలతో బిగ్‌బాస్ హౌస్ జై బోలో గణేషా అంటూ హుషారెత్తించారు. ఇక ఈవారం ఎలిమినేషన్ జోన్‌లో ఉన్న అర్చన,కత్తి కార్తీక, శివబాలాజీ, ధనరాజ్‌లలో ఎవరు ఎలిమినేట్ అయ్యేది శనివారంనాటి తేలనుంది.

Read Bigg Boss Telugu Updates Here: బిగ్‌బాస్ అన్ని ఎపిసోడ్‌లు ఒక్కక్లిక్‌తో