‘జై లవకుశ’ శతక్కొట్టుడు: వారంలో 100 కోట్లు!

ఎన్టీఆర్ ‘జై లవకుశ’ కలెక్షన్ల సునామీ కొనసాగుతూనే ఉంది. బాక్సాఫీస్ బాద్ షాగా ఎన్టీఆర్ మరోసారి రికార్డ్ కలెక్షన్లు సాధిస్తున్నాడు. సెప్టెంబర్ 21న ప్రపంచ వ్యాప్తంగా భారీ అంచనాలతో విడుదలైన ‘జై లవకుశ’ రూ. 100 కోట్ల క్లబ్‌లో చేరి కలెక్షన్ల వర్షం కురిపిస్తోంది. తొలి మూడు రోజుల్లోనే రూ.75 కోట్లు సాధించిన జై లవకుశ మూవీ ఆదివారం నాటికే 90 కోట్లు దాటినట్టు వార్తలు వచ్చినా అధికారిక ప్రకటన రాలేదు.

తాజాగా ‘జై లవకుశ’ విడుదలైన వారంలోనే వందకోట్ల క్లబ్‌లో చేరినట్టు తెలిపారు నిర్మాత కళ్యాణ్ రామ్. ఈ సందర్భంగా ‘జై’కి సంబధించిన 100 కోట్ల పోస్టర్‌‌ని రిలీజ్ చేస్తూ... ‘జై లవకుశ’ చిత్రానికి అఖండవిజయాన్ని అందించిన ప్రపంచ వ్యాప్తంగా ఉన్న తెలుగు ప్రేక్షకులకు ప్రత్యేక అభినందనలు తెలిపారు.

చదవండి: ​ మహేష్ కత్తి.. గమ్మునుండవోయ్

A big thanks to Telugu Film lovers across the world for this massive success pic.twitter.com/HhE2unWerW — Kalyanram Nandamuri (@NANDAMURIKALYAN) September 27, 2017
ఎన్టీఆర్ రావణ అవతారం ఎత్తి ‘అసురుల చక్రవర్తి లంకాధిపతి ఈ రా.. రా.. రా.. రావణాసురుడు అంటూ ఉగ్రరూపం దాల్చితే ఊచకోత ఏ రేంజ్‌లో ఉంటుందో ‘జై లవకుశ’ కలెక్షన్స్ షేకింగ్‌ని బట్టి అర్థమౌతోంది. ఎన్టీఆర్ త్రిపాత్రాభినయంతో తన నటవిశ్వరూపాన్ని చూపించగా.. ఈ మూవీలో రాశిఖన్నా, నివేదా థామస్ హీరోయిన్లుగా నటించగా.. బాబీ దర్శకత్వం వహించారు.