200 కోట్ల కలెక్షన్లతో ఎన్టీఆర్ రికార్డ్

యంగ్ టైగర్ ఎన్టీఆర్‌కు 2016 బాగా కలిసి వచ్చింది. ఈ ఏడాది ఆయన నటించిన చిత్రాలు భారీ విజయాలను నమోదు చేసుకున్నాయి. అయితే టాలీవుడ్లో ఇంతవరకూ ఏ హీరోకు దక్కని రికార్డ్ ఎన్టీఆర్ సొంతం చేసుకోబోతున్నారు. 2016 ఆరంభంలో సుకుమార్ దర్శకత్వంలో ఎన్టీఆర్ 'నాన్నకు ప్రేమతో' అనే సినిమా చేశారు. ఈ సినిమా బాక్సాఫీస్ వద్ద ఘనవిజయం సాధించి కలెక్షన్ల వర్షం కురిపించింది. ఈ సినిమా మొత్తంగా రూ. 90 కోట్ల వరకు కలెక్ట్ చేసిందని చెప్తున్నారు. అలాగే రీసెంట్‌గా కొరటాల శివ దర్శకత్వంలో చేసిన 'జనతా గ్యారేజ్' సినిమా ఎన్టీఆర్ కెరియర్లోనే బిగ్గెస్ట్ హిట్‌గా నిలిచింది. ఈ సినిమా 30 థియేటర్లలో 50 రోజులు పూర్తి చేసుకుంది. ఈ సినిమా ఇప్పటికే 100 కోట్లకు పైగా కలెక్షన్లు సాధించిందని ఈ సినిమా యూనిట్ ఇదివరకే ప్రకటించింది. ఈ రెండు సినిమాలు కలిసి రూ.200 కోట్లు క్లబ్లో ఎన్టీఆర్ను చేర్చాయి.
ఇదిలా ఉండగా జనతా గ్యారేజ్ సినిమా అక్టోబర్ 23 నుంచి టీవీల్లో ప్రసారం కానుంది.