ఎన్టీఆర్ కొత్త సినిమా టైటిల్ రూమరట!

అన్న కల్యాణ్ రామ్ నిర్మాతగా, ఎన్టీఆర్ ఆర్ట్స్ పతాకంపై ఎన్టీఆర్ ఓ కొత్త సినిమాలో నటించనున్న సంగతి తెలిసిందే. ‘సర్దార్ గబ్బర్ సింగ్’ ఫేమ్ బాబీ (కె.ఎస్.రవీంద్ర) దర్శకత్వం వహిస్తున్నారు. అయితే ఎన్టీఆర్ ఈ సినిమాలో మూడు పాత్రల్లో నటిస్తున్నారని, ముగ్గురు ముద్దుగుమ్మలతో ఆడిపాడనున్నారని రెండు రోజులుగా రూమర్లు చక్కర్లు కొడుతున్నాయి.

అంతేకాకుండా సినిమా టైటిల్‌గా ‘నట విశ్వరూప’ను పరిశీలిస్తున్నట్లు, చిత్ర యూనిట్ కూడా ఈ టైటిల్‌నే ఖరారు చేసే అవకాశం ఉన్నట్లు పుకార్లు పల్టీలు కొడుతున్నాయి. అయితే ఈ రూమర్లన్నీ నిజం కాదని, సినిమాకి సంబంధించి తారాగణం, టైటిల్‌ను ఇంకా ఖరారు చేయలేదని ఎన్టీఆర్ ఆర్ట్స్ ప్రకటించింది. ఈ మేరకు ఓ ట్వీట్ కూడా చేసింది. టైటిల్‌ను ఖరారు చేస్తే తామే అధికారికంగా ప్రకటిస్తామని చెప్పింది.
Lots of rumours circulating about the title as well as cast and crew of #NTR27. None of them are true.If it's official,it'll come from us. — NTR Arts (@NTRArtsOfficial) December 26, 2016