Aravinda Sametha Songs: ‘అరవింద సమేత’ ఆడియో రిలీజ్: సాంగ్స్ ఇవిగో

యంగ్ టైగర్ ఎన్టీఆర్ అప్ కమింగ్ మూవీ ‘అరవింద సమేత వీర రాఘవ’ పాటల సందడి మొదలైంది. ఇప్పటికే విడుదలై రెండు పాటలు టాప్ ట్రెండింగ్‌లో కొనసాగుతుండగా.. తాజాగా మిగిలిన సాంగ్స్‌ను నెట్‌లో కొద్దిసేపటి క్రితం విడుదల చేశారు. తమన్ సంగీత సారధ్యం వహించారు.

సెప్టెంబర్ 18న విడుదలైన ‘అనగనగనగా’ లవ్ సాంగ్ యూత్‌కి బాగా కనెక్ట్ అయ్యింది. ‘చీకటి లాంటి పగటి పూట.. కత్తుల్లాంటి పూలతోట.. జరిగిందొక్క వింత వేట.. పులిపై పడిన లేడి కథ వింటావా.. అనగనగనగా.. అరవిందట తన పేరు’ అంటూ సాగిన ఈ పాటకు తమన్ మంచి ట్యూన్స్ అందించగా.. అర్మన్ మాలిక్ ఆలపించారు. సిరివెన్నెల సీతారామశాస్త్రి సాహిత్యం అందించారు.
Read ALSO: ‘అనగనగనగా’ సాంగ్ తెలుగు లిరిక్స్..
ఇక నిన్న (సెప్టెంబర్ 19) విడుదలై ‘పెనిమిటి’ సాంగ్ యూట్యూబ్‌ని షేక్ చేస్తూ టాప్ ట్రెండింగ్‌లో కొనసాగుతోంది. విడుదలైన 24 గంటల్లోనే 25 లక్షలకు పైగా వ్యూస్ సాధించింది. రామజోగయ్య శాస్త్రి అద్భుతమైన లిరిక్స్ అందించగా.. కాళ భైరవ అంతే అద్భుతంగా ఆలపించారు. ఇక ఈ రెండు పాటలకు సోషల్ మీడియాలో ఊహించని రెస్పాన్స్ రావడంతో మిగిలిన సాంగ్స్‌ను గురువారం నాడు విడుదల చేశారు.
Read Also: ‘పెనివిటి’ సాంగ్‌ కోసం క్లిక్ చేయండి..
మాటల మాంత్రికుడు త్రివిక్రమ్ శ్రీనివాస్ ఈ చిత్రానికి దర్శకత్వం వహించారు. పూజా హెగ్డే హీరోయిన్. హారిక అండ్ హాసిని క్రియేషన్స్ పతాకంపై ఎస్.రాధాకృష్ణ(చినబాబు) ఈ చిత్రాన్ని నిర్మిస్తున్నారు. రాయలసీమ ఫ్యాక్షనిజం నేపథ్యంలో తెరకెక్కుతోన్న ఈ చిత్రం దసరా కానుకగా అక్టోబర్ 13న ప్రేక్షకుల ముందుకు రానుంది.