అల్లరి నరేష్ సినిమా డైరెక్టర్‌తో ఎన్టీఆర్‌ సినిమా!

మాటల మాంత్రికుడు త్రివిక్రమ్ డైరెక్షన్‌లో యంగ్ టైగర్ జూనియర్ ఎన్టీఆర్ హీరోగా ఇటీవలే ఓ సినిమా ప్రారంభోత్సవం జరుపుకున్న సంగతి తెలిసిందే. ఈ సినిమాకు సంబంధించిన రెగ్యులర్ షూట్ ఇంకా మొదలుకాకముందే ఎన్టీఆర్ మరో సినిమాకు సైన్ చేయడానికి రెడీ అయ్యాడనే టాక్ వినిపిస్తోంది. రచయితగా కెరీర్ ప్రారంభించి దొంగల బండి సినిమాతో దర్శకుడిగా మారి, ఆ తర్వాత శతమానం భవతి చిత్రంతో మంచి దర్శకుడిగా పేరు తెచ్చుకున్న సతీష్ వేగేశ్న ఇటీవల ఎన్టీఆర్‌కి ఓ స్టోరీ లైన్ వినిపించాడట. సతీష్ వేగేశ్న వినిపించిన స్టోరీ లైన్ నచ్చడంతో వెంటనే ఎన్టీఆర్ కూడా అతడికి యస్ చెప్పాడని తెలుస్తోంది.

ప్రస్తుతం సతీష్ వేగేశ్న ఆ స్టోరీని పూర్తిచేసే పనిలో పడ్డాడట. త్రివిక్రమ్‌తో సినిమా తర్వాత ఎన్టీఆర్ ఈ సినిమా చేసే అవకాశం వుందంటున్నాయి సినీవర్గాలు. దీనిపై అధికారిక ప్రకటన వెలువడితే కానీ మరిన్ని పూర్తి వివరాలు తెలిసే అవకాశం లేదు.