తన బర్త్‌డే రోజు ఫ్యాన్స్‌కి యంగ్ టైగర్ సర్‌ప్రైజ్

తన బర్త్ డే రోజున అభిమానులకి రెండు సడెన్ సర్‌ప్రైజెస్ ఇవ్వడానికి యంగ్ టైగర్ ఎన్టీఆర్ సిద్ధమవుతున్నాడట. అందులో మొదటిది జై లవ కుశ సినిమా ఫస్ట్ లుక్ కాగా రెండోది అదే రోజున త్రివిక్రమ్ డైరెక్షన్‌లో ఓ సినిమాని ప్రకటించే అవకాశం వుందని తెలుస్తోంది. జై లవ కుశ మూవీ సెట్స్‌పైకి వెళ్లినప్పటి నుంచే అందులో ఎన్టీఆర్ లుక్ ఎలా వుండనుందా అనే సస్పెన్స్ ఎన్టీఆర్ అభిమానుల్లో నెలకొని వుంది. దానికితోడు జై లవ కుశ సినిమాలో తారక్ ఇలా కనిపించనున్నాడని పేర్కొంటూ ఈమధ్యే సోషల్ మీడియాలో కొన్ని ఫోటోలు వైరల్ అయ్యాయి. అప్పటినుంచి జై లవ కుశ ఫస్ట్ లుక్ అభిమానుల్లో ఓ ఇంట్రెస్టింగ్ టాపిక్ అయిపోయింది.

బాబి డైరెక్ట్ చేస్తున్న ఈ సినిమాలో ఎన్టీఆర్ మూడు పాత్రలు పోషిస్తుండగా.. రాశి ఖన్నా, నివేధా థామస్ ఎన్టీఆర్ సరసన హీరోయిన్స్‌గా నటిస్తున్నారు.

ఇక రెండోది అంతకన్నా ముఖ్యమైనది.. ఎన్టీఆర్ ఫ్యాన్స్‌ని ఎప్పటినుంచో ఊరిస్తున్నది కావడం విశేషం. అవును త్రివిక్రమ్, ఎన్టీఆర్ కాంబినేషన్‌లో సినిమా తెరకెక్కితే చూడాలని ఉవ్విళ్లూరుతున్న ఫ్యాన్స్‌కి ఆ రోజున ఎన్టీఆర్ చేయబోయే తన తర్వాతి సినిమా ప్రకటన కచ్చితంగా మరింత సస్పెన్స్‌కి గురిచేయనుంది.