మిస్డ్ కాల్ ఇవ్వండి.. ఎన్టీఆర్ మీకు ఫోన్ చేస్తాడు!

యంగ్ టైగర్ ఎన్టీఆర్‌తో మీరు మాట్లాడాలనుకుంటున్నారా.. అయితే మీరు చేయాల్సిందల్లా ఒక మిస్ట్ కాల్ ఇవ్వడమే. ఆ తరవాత ఎన్టీఆరే మీకు తిరిగి ఫోన్ చేస్తాడు. ఇదేంటి మనం మిస్డ్ కాల్ ఇస్తే ఆయన ఫోన్ చేయడమేంటి అనుకుంటున్నారా.. అయితే ఇది చదవండి.

జూనియర్ ఎన్టీఆర్ వ్యాఖ్యాతగా వ్యవహరిస్తున్న ప్రతిష్టాత్మక టీవీ షో ‘బిగ్ బాస్’ తెలుగు ఈరోజు నుంచి ప్రారంభమవుతుంది. ఆదివారం రాత్రి 9 గంటలకు యంగ్ టైగర్ బుల్లితెరపై సందడి చేయనున్నాడు. తొలిసారి ఎన్టీఆర్ బుల్లితెర షోలో వ్యాఖ్యాతగా కనిపిస్తుండటంతో ఈ షోపై అందరికీ ఆసక్తి పెరిగింది. ఈ ఆసక్తిని మరింత పెంచేందుకు స్టార్ మా సరికొత్త ప్రచారాన్ని మొదలుపెట్టింది. 84339 00156 అనే నంబర్‌కు మీ ఫోన్ నుంచి ఒక్క మిస్డ్ కాల్ ఇస్తే చాలు. మీరు కనుక అదృష్టవంతులైతే ఎన్టీఆర్ తిరిగి మీకు ఫోన్ చేస్తాడు. అంటే షో మధ్యలో ఫోన్ చేస్తారా.. లేదా ప్రత్యేకంగా ఫోన్ చేసి మాట్లాడతారా? అనే విషయంలో ఎలాంటి స్పష్టత లేదు.

మొత్తానికి ఆయనతో మాట్లాడాలనుకునే అభిమానులకు ఇది చక్కని అవకాశం. ఇక ‘బిగ్ బాస్’ షో విషయానికి వస్తే.. 12 మంది సెలబ్రిటీలు, 60 కెమెరాలు, 70 రోజులు.. ఒక బిగ్ హౌజ్‌లో జరిగే తతంగం. వారి దినచర్యను వీక్షకులకు చూపించడం, రకరకాల టాస్క్‌లు ఈ షోలో భాగం. బిగ్ హౌజ్‌లోకి టీవీ, ఫోన్‌, ల్యాప్‌టాప్‌ లాంటి వాటిని అనుమతించరు. అంటే వారికి బయటి ప్రపంచంతో ఎలాంటి సంబంధమూ ఉండదు.
The wait is over...#BIGGday is here!!! #BiggBossTelugu with @tarak9999 T​oday at 9 PM on @StarMaa #OppoBiggBoss @oppomobileindia pic.twitter.com/2o0tBfgb9v — STAR MAA (@StarMaa) July 16, 2017
ఇక సందర్భానుసారంగా మాట్లాడటంలో ఎన్టీఆర్ దిట్ట. ఆయనకి అభిమానుల్లో ఎంత క్రేజుందో ప్రత్యేకంగా చెప్పాల్సిన పనిలేదు. అందుకే, బిగ్‌ బాస్‌ని భారాన్ని ఆయనకు అప్పగించారు మా టీవీ నిర్వాహకులు. ఎన్టీఆర్‌ కూడా ఎంతో ప్రతిష్ఠాత్మకంగా తీసుకుని చేస్తున్న ఈ షోకి సంబంధించిన ప్రోమోలన్నీ లక్షల వ్యూస్‌ సాధించి యూట్యూబ్‌లో సంచలనం సృష్టిస్తున్నాయి. మరి వెండితెరపై ప్రేక్షకులను మెప్పించిన ఎన్టీఆర్.. బుల్లితెరపై ఎలాంటి మాయ చేస్తాడో మరికొద్ది గంటల్లో తెలిసిపోతుంది.