హృతిక్ రోషన్‌కి మద్దతుగా నిలిచిన మాజీ భార్య

ఒకవేళ భార్యా, భర్తలు ఇద్దరూ డైవర్స్ తీసుకుని విడిపోవాల్సి వస్తే, ఆ తర్వాత కూడా ఫ్రెండ్లీగానే ఎలా వుండాలో హృతిక్ రోషన్, సుజానే ఖాన్‌లని చూసి నేర్చుకోవాలేమో! 2013లో విడాకులు తీసుకున్న ఈ జంట ఇప్పటికీ తరచూ ఒకరికొకరు మద్దతు పలుకుతూ అండగా నిలుస్తున్నారు. కంగనా రనౌత్ కారణంగా లీగల్ చిక్కుల్లో చిక్కుకున్నప్పుడు హృతిక్ రోషన్‌కి సపోర్ట్ ఇచ్చిన సుజానే ఖాన్ తాజాగా కాబిల్ మూవీ విషయంలోనూ తన సపోర్ట్ తెలియజేశారు.

ఓ ఈవెంట్‌లో తమ కంటపడిన సుజానేను, హృతిక్ ప్రధాన పాత్ర పోషిస్తున్న కాబిల్ మూవీపై మీ అభిప్రాయం ఏంటని అడిగింది మీడియా. ఈ ప్రశ్నకు సమాధానం ఇచ్చిన సుజానే ఖాన్... కాబిల్ మూవీ యూనిట్ కి ఆల్ ది వెరీ బెస్ట్ అంటూ శుభాకాంక్షలు చెప్పడంతోపాటు ఈ సినిమా తప్పకుండా బాగా హిట్ అవుతుంది అని ధీమా వ్యక్తంచేశారామె. అంతేకాకుండా తమ వారసులు హ్రిధాన్, హ్రిహాన్‌ల సంతోషం కోసం ఇటీవలే కలిసి డిన్నర్ కూడా చేశారీ మాజీ భార్యాభర్తలు.