‘కాలా’ సెకండ్ లుక్.. అదుర్స్!

పా రంజిత్‌ దర్శకత్వంలో సూపర్‌స్టార్‌ రజనీకాంత్‌ హీరోగా తెరకెక్కిస్తున్న ‘కాలా’ సెకండ్ లుక్ విడుదలైంది. రజినీకాంత్ పుట్టిన రోజు పురస్కరించుకుని ఆయన అల్లుడు ధనుష్ తన ట్విట్టర్ ఖాతాలో సెకండ్ లుక్‌ను పోస్ట్ చేశారు. కొన్ని నెలల క్రితం విడుదల చేసిన ఫస్ట్‌లుక్‌లో రజనీ థార్‌ జీపుపై స్టైల్‌గా కూర్చున్నారు. తాజా సెకండ్‌ లుక్‌లో ఒంటినిండా మసితో కళ్లద్దాలు పెట్టుకుని కోపంగా చూస్తున్నారు. వండర్‌ బార్‌ ఫిలింస్‌ బ్యానర్‌పై ధనుష్‌ ఈ చిత్రాన్ని నిర్మిస్తున్నారు. రజనీకి జోడీగా బాలీవుడ్‌ నటి హ్యూమా ఖురేషీ నటిస్తోంది. ముంబయిలో షూటింగ్ జరుపుకుంటున్న ఈ సినిమా 2018లో ప్రేక్షకుల ముందుకు రానుంది. అదే సంవత్సరంలో శంకర్ దర్శకత్వంలో రూపొందించిన 2.0 సినిమా కూడా విడుదల కానుంది. అంటే, రజనీ ఫ్యాన్స్‌కు 2018లో పండగే. కొద్ది నెలల వ్యత్యాసంతోనే ఈ రెండు చిత్రాలు విడుదల కానున్నట్లు తెలిసింది.
‘కాలా’ ఫస్ట్ లుక్

ధనుష్ విడుదల చేసిన ‘కాలా’ సెకండ్ లుక్ ట్వీట్
Here you go !! The king of style 🤴 our Superstar’s “kaalaa” 2nd look. #theswagofsuperstar #kaalaa #happybirthdaythalaiva pic.twitter.com/TuuA8mx2vT — Dhanush (@dhanushkraja) December 11, 2017