సూపర్ స్టార్ రజినీకాంత్ సినిమా 'కబాలి' మానియా కొనసాగుతోంది.గత నెల రోజుల నుంచి ఎవరి నోట విన్నా.. 'నెరుప్పుడా.. నెరుంగుడా' అంటూ కబాలి ఫీవర్ తో హీటెక్కిస్తున్నారు. దీంతో ఇండియాతో పాటు ప్రపంచవ్యాప్తంగా ఈ సినిమాకు క్రేజ్ ఏర్పడింది. ఒక్క చిన్న టీజర్ తోనే యూట్యూబ్ లో రికార్డులు సృష్టించిన ఈ సినిమాపై రజిని అభిమానులు ఎన్నో అంచనాలు పెట్టేసుకున్నారు. అయితే భారీ అంచనాల మధ్య విడుదలయిన ఈ సినిమాకు మాత్రం అనుకున్న స్థాయిలో పేరు రాలేదు. కానీ సినిమా టాక్ ఎలా ఉన్నప్పటికీ కలెక్షన్స్ లో మాత్రం తలైవానే అని నిరూపించుకుంది కబాలి. ఈ సినిమా తొలి నాలుగు రోజుల్లోనే వరల్డ్ వైడ్ గా రూ. 230 కోట్లను క్రాస్ చేసేసిందని ట్రేడ్ వర్గాలు అంచనా వేస్తున్నాయి. ఇది ఇండియన్ సినిమా చరిత్రలోనే ఆల్ టైం రికార్డుగా చెప్తున్నారు. హిట్ టాక్ తెచ్చుకున్న సల్మాన్ ఖాన్ 'సుల్తాన్' ఫస్ట్ వీక్ కలెక్షన్లను కూడా 'కబాలి' దాటేసింది. ఇండియాలో ఇప్పటృఇవరకు రూ. 129 కోట్లను క్రాస్ చేసింది. తమిళనాడులో తొలి రోజు 21.5 కోట్లు వసూలు చేసి పాత రికార్డులకు తిరగరాసింది. ఏపీలో ఫస్ట్ డే 8 కోట్లు వసూలు చేయగా, గుంటూరులో 90 లక్షలు, వైజాగ్లో రూ.98 లక్షలు, కృష్ణాలో రూ.65 లక్షలు రాబట్టింది. నైజాం కలెక్షన్లు 10 కోట్లు దాటింది. కబాలి సినిమా రిలీజ్ కు ముందే 220 కోట్ల బిజినెస్ చేసింది. ఈ కబాలి కలెక్షన్ల సునామీ ఎంతవరకు వెళ్తుందో చూడాలి.
కబాలి ఎలా ఉన్నా.. కలెక్షన్స్ భలే ఉన్నాయి !
గత నెల రోజుల నుంచి ఎవరి నోట విన్నా.. 'నెరుప్పుడా.. నెరుంగుడా' అంటూ కబాలి ఫీవర్ తో హీటెక్కిస్తున్నారు. సినిమా టాక్ కు కలెక్షన్స్ కు సంబంధం లేకుండా వసూళ్ల వర్షం కురిపిస్తోంది...
TNN 26 Jul 2016, 3:15 pm