మీ సాయం గొప్పది.. సీఎం జగన్‌కు కైకాల సత్యనారాయణ లేఖ

ఏపీ సీఎం వైఎస్ జగన్‏కు సీనియర్ నటుడు కైకాల సత్యనారాయణ ప్రత్యేకంగా కృతజ్ఞతలు తెలిపారు. తాను అనారోగ్యంతో బాధ పడుతున్న సమయంలో జగన్ ప్రభుత్వం చూపిన చొరవపై రియాక్ట్ అయ్యారు. గత నవంబర్ నెలలో తీవ్ర అనారోగ్యానికి గురైన కైకాల.. జూబ్లీహిల్స్ అపోలో ఆసుపత్రిలో చికిత్స తీసుకున్నారు. ఆ సమయంలో వైద్యానికి సంబంధించిన అన్ని ఖర్చులను ఆంధ్రప్రదేశ్ ప్రభుత్వం భరిస్తుందని ముఖ్యమంత్రి జగన్ భరోసా ఇచ్చారు. ఎప్పటికప్పుడు కైకాల ఆరోగ్యం గురించి ఆరా దీశారు.

అయితే అనారోగ్యం నుంచి కోలుకున్న కైకాల సత్యనారాయణ సీఎం జగన్‏కు ఓ లేఖ రాస్తూ.. తన అనారోగ్య సమయంలో సాయం అందించి ప్రత్యేక శ్రద్ద చూపించడం సంతోషమేసిందని చెప్పారు. ఎంత బిజీ షెడ్యూల్లో ఉన్నప్పటికీ వ్యక్తిగతంగా తన బాగోగులు తెలుసుకోవడం, ప్రభుత్వం తరఫున సహాయ సహకారాలను అందిస్తామని హామీ ఇవ్వడం, మీరు హామీ ఇచ్చినట్టుగానే మీ ఉన్నతాధికారులు వ్యక్తిగతంగా సాయం అందించడం ఆనందంగా ఉందని కైకాల చెప్పారు. కష్ట సమయంలో మీరు అందించిన సహాయం తనకు, తన కుటుంబానికి ఎంతో శక్తినిచ్చిందని కైకాల తన లేఖలో పేర్కొన్నారు. అలాగే తన అనారోగ్య సమయంలో సహకరించిన ప్రతి ఒక్కరికీ కృతజ్ఞతలు తెలిపారు.
నిధి కోసం మళ్లీ హీరో కావాలనుంది.. జగపతి బాబు కామెంట్స్ వైరల్
కొన్ని దశాబ్దాల పాటు విలక్షణమైన పాత్రలతో తెలుగు ప్రేక్షకులను అలరించారు కైకాల సత్యనారాయణ. 1959లో 'సిపాయి కూతురు' సినిమాతో సినీ జర్నీ ప్రారంభించిన ఆయన.. కెరీర్ పరంగా ఎక్కడా వెనుదిరిగి చూడలేదు. వందలాది సినిమాలతో అలరించిన కైకాల ప్ర‌స్తుతం 86 సంవ‌త్స‌రాల వ‌య‌సులో ఇంట్లో ప్ర‌శాంత‌మైన జీవ‌నాన్ని గ‌డుపుతూ కాల‌క్షేపం చేస్తున్నారు.