శ్రీరెడ్డి లీక్స్‌పై స్పందించిన కాజల్ అగర్వాల్

కాస్టింగ్‌ కౌచ్‌పై హీరోయిన్ కాజల్ అగర్వాల్ స్పందించింది. ప్రస్తుతం ‘పారిస్.. పారిస్’ అనే తమిళ చిత్రంలో నటిస్తున్న ఈ ముద్దుగుమ్మ తాజాగా మీడియాతో మాట్లాడుతుండగా.. శ్రీరెడ్డి లీక్స్ ప్రస్తావనని మీడియా ప్రతినిధులు తీసుకొచ్చారు. గత కొన్నిరోజులుగా టాలీవుడ్‌ ప్రముఖులపై కాస్టింగ్ కౌచ్ ఆరోపణలు గుప్పించిన శ్రీరెడ్డి.. ఇటీవల తమిళ హీరోలపై సంచలన ఆరోపణలు చేసిన విషయం తెలిసిందే. వారం క్రితం టాప్ హీరోయిన్స్ పేర్లను ఫేస్‌బుక్‌లో ప్రస్తావిస్తూ.. కాస్టింగ్‌ కౌచ్‌పై వారు నోరు విప్పితే చాలా మంది పేర్లు వెలుగులోకి వస్తాయని రాసుకొచ్చింది.

‘ఇండస్ట్రీలో కాస్టింగ్ కౌచ్ ఉందో లేదో నాకు తెలీదు. నేను మాత్రం ఇప్పటి వరకు అలాంటి చేదు అనుభవాల్ని ఎదుర్కోలేదు. ఆ విషయంలో నేను అదృష్టవంతురాల్ని. ఇక్కడ నేను ఒకటే చెప్పదలుచుకున్నా.. మీరు ఆడపిల్లలకి జాగ్రత్తలు చెప్పే బదులు.. అమ్మాయిలతో ఎలా మెలగాలో ఇంట్లో అబ్బాయిలకి నేర్పిస్తే మంచిది’ అని కాజల్ అగర్వాల్ సూచించింది.