తల్లి కాబోతున్న మాజీ హీరోయిన్!

‘ఏమైంది ఈ వేళ’, ‘సోలో’ వంటి సినిమాల్లో హీరోయిన్ గా నటించిన నిషా అగర్వాల్ తల్లి కాబోతున్నట్టుగా తెలుస్తోంది. నటి కాజల్ అగర్వాల్ చెల్లెలుగా ఇండస్ట్రీకి పరిచయం అయ్యింది నిషా. కొన్ని సినిమాల్లో హీరోయిన్ గా నటించింది. ఏమైంది ఈ వేళ, సోలో వంటి సినిమాలు హిట్ అయ్యాయి. ఆ తర్వాత ‘సుకుమారుడు’, ‘సరదాగా అమ్మాయితో’ వంటి సినిమాల్లో కూడా నటించింది. కానీ అక్కలాగా స్టార్ హీరోయిన్ గా ఎదగలేకపోయింది నిషా.

అదే సమయంలో ఈమె పెళ్లి చేసుకుని సైడైపోయింది. ముంబైకి చెందిన ఒక వ్యాపారవేత్తను నిషా పెళ్లి చేసుకుంది. వీళ్ల పెళ్లై నాలుగు సంవత్సరాలు అవుతున్నాయి. ఈ నేపథ్యంలో నిషా తిరిగి హీరోయిన్ గా రానుందనే ప్రచారం కూడా జరిగింది. పెళ్లి తర్వాత ఆమె తిరిగి సినిమాలు చేస్తుందని అన్నారు. కానీ అదేం జరగలేదు కానీ.. నిషా తల్లి కాబోతోందని మాత్రం తెలుస్తోంది.

ఈ విషయాన్ని కాజల్ కుటుంబం కూడా ధ్రువీకరించింది. నిషా తల్లి కాబోతోందనే విషయం వాస్తవమే అని పేర్కొంది. మరి కాజల్ కి ఇంకా పెళ్లి కాలేదు కానీ, ఆమె చెల్లెలు ఇప్పుడు తల్లి కాబోతుండటం గమనార్హం.