‘అజ్ఞాతవాసి’ ట్రైలర్ రిలీజ్ ఎప్పుడంటే!

పవర్ స్టార్ పవన్ కళ్యాణ్-త్రివిక్రమ్ కాంబినేషన్‌లో వస్తున్న ‘అజ్ఞాతవాసి’ మూవీ అప్టేట్స్ కోసం పవన్ అభిమానులు ఎంతగానో ఎదురు చూస్తున్నారు. విడుదలకు ముందే అనేక సంచలనాలకు కేరాఫ్ అడ్రస్‌గా నిలుస్తున్న ‘అజ్ఞాతవాసి’ లేటెస్ట్ టీజర్‌కి వచ్చిన రెస్పాన్స్‌ని బట్టి ఈ మూవీ ఎలాంటి సంచలన రికార్డ్స్ నమోదు చేయబోతుందో ఒక అంచనాకు వచ్చేశారు టాలీవుడ్ జనాలు.

జల్సా, అత్తారింటికి దారేది చిత్రాల తరువాత పవన్ త్రివిక్రమ్ కాంబినేషన్‌లో వస్తున్న మూడో చిత్రం ‘అజ్ఞాతవాసి’ కావడంతో ఈ మూవీపై పాజిటివ్ బజ్ క్రియేట్ అయ్యింది. దీనికి తగ్గట్లే ‘అజ్ఞాతవాసి’ ఆడియో వేడుకలో సినిమా ఎలా ఉండబోతుందో హింట్ ఇచ్చేశారు దర్శకుడు త్రివిక్రమ్. అయితే ఈ మూవీ ఆడియో వేడుకలో ట్రైలర్‌ను రిలీజ్ చేస్తున్నట్లు వార్తలు వచ్చినప్పటికీ కేవలం సాంగ్స్ తోటే సరిపెట్టేశారు. ఇక అభిమానులు ఎంతో ఆసక్తితో ఎదురుచూస్తున్న ‘అజ్ఞాతవాసి’ ట్రైలర్‌ను నూతన సంవత్సర కానుకగా డిసెంబర్ 26న విడుదల చేయనున్నారు.

సంక్రాంతి కానుకగా జనవరి 10న ప్రేక్షకుల ముందుకు వస్తున్న ఈ చిత్రంలో కీర్తి సురేష్, అను ఇమ్మాన్యుయేల్ హీరోయిన్లుగా నటిస్తున్నారు. ఈ సినిమాకు తమిళ సంగీత సంచలనం అనిరుధ్ మ్యూజిక్ అందిస్తున్నారు. ఆయనకు ఇదే తొలి తెలుగు చిత్రం కాగా.. హారిక అండ్ హాసిని క్రియేషన్స్ బ్యానర్‌పై భారీ బడ్జెట్‌తో నిర్మాత రాధాక్రిష్ణ ఈ చిత్రాన్ని నిర్మించారు.

‘అజ్ఞాతవాసి’ టీజర్‌: