రిస్క్ చేస్తున్న నందమూరి హీరో.. ఫ్యాన్స్ ఆందోళన

‘పటాస్’ తర్వాత ఆ స్థాయి విజయం కోసం ఎదురుచూస్తున్నారు నందమూరి కళ్యాణ్‌రామ్. ఇటీవల తమన్నాతో కలిసి నటించిన నా ‘నువ్వే’ బాక్సాఫీసు వద్ద డిజాస్టర్‌గా నిలిచింది. అసలు ఈ చిత్రం ఎప్పడొచ్చిందో... ఎప్పుడెళ్లిందో కూడా ప్రేక్షకులకు గుర్తే లేదు. ఆ షాక్ నుంచి కోలుకున్న కళ్యాణ్‌రామ్... తాజాగా ‘118’ తో బిజీగా మారారు. సస్పెన్స్ థ్రిల్లర్‌గా తెరకెక్కుతున్న ఈ చిత్రానికి ప్రముఖ సినిమాటోగ్రాఫర్ గుహన్ దర్శకత్వం వహిస్తున్నారు. మహేష్ కోనేరు నిర్మాత. నివేదా థామస్, షాలినీ పాండే కథానాయికలు.

అయితే ఈ చిత్రానికి సంబంధించిన ఓ వీడియా నందమూరి అభిమానులను ఆందోళనకు గురిచేస్తోంది. కళ్యాణ్‌రామ్ నీటిలో దిగి ఊపిరి బిగపట్టిన దృశ్యాలు నెట్టింట వైరల్‌గా మారాయి. ఎలాంటి డూప్ లేకుండా కళ్యాణ్‌రామ్ ఆ సన్నివేశాలు చేయడంపై ఫ్యాన్స్ కలవరపడుతున్నారు. ఈ వీడియోను ట్విటర్లో షేర్ చేసిన నిర్మాత మహేష్ కోనేరు.. కళ్యాణ్‌రామ్ ప్రాక్టీస్ కోసమే అలా చేశారని వివరణ ఇచ్చారు. అయితే నందమూరి ఫ్యాన్స్ మాత్రం తమ హీరో అంత రిస్క్ చేయడం అవసరమా? అని ప్రశ్నిస్తున్నారు.