ఆ రూమర్లు నిజమైతే మేలన్న హీరోయిన్!

‘హలో’సినిమాతో తెరకు పరిచయం అయిన భామ కల్యాణి ప్రియదర్శన్. ప్రముఖ మలయాళీ దర్శకుడు ప్రియదర్శన్, అలనాటి హీరోయిన్ లిజిల కూతురు అయిన కల్యాణి.. తన తొలి సినిమాతోనే ఆకట్టుకుంది. ఆ సినిమా కమర్షియల్ గా హిట్ కాకపోయినా, కల్యాణికి మాత్రం మంచి పేరే వచ్చింది. ఈ క్రమంలో ఈమె కొత్త అవకాశాల వేటలో ఉంది. ప్రస్తుతం తెలుగులోనే శర్వానంద్ సినిమాలో నటిస్తోంది కల్యాణి.

ఇప్పుడు ఈమెకు మరిన్ని సినిమాల్లో అవకాశాలు వచ్చినట్టుగా ప్రచారం జరుగుతోంది. మరీ ముఖ్యంగా మలయాళంలో మోహన్ లాల్ తనయుడు హీరోగా చేసే సినిమాలో లిజికి అవకాశం వచ్చినట్టుగా ప్రచారం జరుగుతోంది. అలాగే ఐవీ శశి తనయుడి సినిమాలో కూడా కల్యాణికి అవకాశం వచ్చినట్టుగా వార్తలు వస్తున్నాయి.

ఇలా కల్యాణి దూసుకుపోతోందని సినిమా పత్రికలు చెబుతున్నాయి. అయితే ఈ వార్తలను ఖండించింది కల్యాణి. మోహన్ లాల్ తనయుడి సినిమాలో కానీ, ఐవీ శశి తనయుడి సినిమాలో కానీ తను నటించడం లేదని.. అవి రూమర్లే అని స్పష్టం చేసింది. అయితే..ఆ రూమర్లు నిజం అయితే మేలని సరదాగా వ్యాఖ్యానించింది. ఆ హీరోల సరసన నటించడం పట్ల ఈ విధంగా తన ఆసక్తిని వ్యక్తం చేసింది ప్రియదర్శన్ కూతురు.