కమ్మ-కాపు పాటకి కత్తెర వేశాం: వర్మ

వివాదాల దర్శకుడు రాంగోపాల్ వర్మ ‘వంగవీటి’చిత్రంతో మరొకసారి హాట్ టాపిక్ అయ్యారు. ఆ చిత్రం ప్రారంభమైన నాటి నుండి ఏదో ఒక వివాదం వర్మని వెంటాడుతూనే ఉంది. తాజాగా వర్మ తెరకెక్కించిన వంగవీటి చిత్రం షూటింగ్‌ని పూర్తి చేసుకుని, ఆడియో కార్యక్రమాన్ని డిసెంబర్3న విజయవాడలో నిర్వహిచడానికి ఏర్పాట్లను చేస్తున్నారు. అయితే ఆ సినిమాలో తమ కులాన్ని కించపరిచేలా సన్నివేశాలు, పాటలు ఉన్నాయని ఒక వర్గం ఆరోపించడంతో ‘కమ్మ కాపు..’ అనే పాటను చిత్రం నుండి తొలగిస్తున్నట్లు దర్శకుడు రామ్‌గోపాల్‌ వర్మ తెలిపారు.
Respecting sentiments of some ppl we removing Kamma Kaapu song from Vangaveeti..The film is an emotional drama and it doesn't demean anyone — Ram Gopal Varma (@RGVzoomin) December 2, 2016 అయితే ఈ సినిమాపై అపోహలు అనవసరం అని, ఇందులో వాస్తవాలను మాత్రమే చూపిచాం అని, కొన్ని వర్గాల సెంటిమెంట్స్‌ను గౌరవిస్తూ కుల ప్రస్థావన వచ్చిన ఆ పాటను తీసేస్తున్నట్లు వర్మ తాజాగా ట్వీట్‌ చేశారు. ఇది భావోద్వేగాలతో కూడుకున్న చిత్రమని, ఎవర్నీ అప్రతిష్ఠపాలు చేయదని పేర్కొన్నారు. గతంలో విజయవాడలో జరిగిన ఫ్యాక్షన్‌ రాజకీయాల నేపథ్యంలో ‘వంగవీటి’ చిత్రాన్ని రూపొందిస్తున్నారు. రేపు ఈ చిత్రం ఆడియోను విజయవాడలోని కేఎల్‌ విశ్వవిద్యాలయ మైదానంలో విడుదల చేస్తున్నారు. ఈ నెల 23న చిత్రాన్ని ప్రేక్షకుల ముందుకు తీసుకురావడానికి సన్నాహాలు చేస్తున్నారు.

ఇదిలా ఉంటే ‘వంగవీటి’ చిత్రాన్ని వాస్తవాలకు విరుద్ధంగా చిత్రీకరిస్తున్నారంటూ వంగవీటి మోహనరంగా తనయుడు, మాజీ ఎమ్మెల్యే రాధాకృష్ణ హైకోర్టులో వ్యాజ్యం దాఖలు చేయడంతో కమ్మ కాపు సాంగ్‌ని సినిమానుండి తొలగించమని కోర్టు ఉత్తర్వులు జారీచేసింది.