క్వీన్ యోగా.. స్ప్రింగ్‌లా వంగిపోతున్న కంగనా!

ఒకప్పుడు సినీ తారలు ఫిట్‌నెస్‌కు అంత ప్రాధాన్యత ఇచ్చేవారు కాదు. బొద్దుగా ఉంటూనే ప్రేక్షకులను ఆకట్టుకునేవారు. కానీ కాలం మారింది. ప్రస్తుతం సినీ తారలు ఫిట్‌నెస్‌కు అధిక ప్రాధాన్యత ఇస్తున్నారు. సినీ పరిశ్రమలో పోటీతత్వం పెరగడంతో అవకాశాల కోసం, ఆరోగ్యాన్ని కాపాడుకోవడం కోసం ఫిట్‌నెస్‌కు ప్రత్యేక స్థానం కల్పిస్తున్నారు. దీనికి తోడు ఒక్కో సినిమాలో ఒక్కో విధంగా కనిపించేందుకు కూడా ఈ ఫిట్‌నెస్ ఎంతగానో సహకరిస్తోంది. అందుకే బాలీవుడ్ నుంచి టాలీవుడ్ వరకు హీరోలు, హీరోయిన్లు ఫిట్‌నెస్ కసరత్తులతోనే రోజును ప్రారంభిస్తున్నారు.

ఇటీవల కేంద్ర క్రీడా శాఖా మంత్రి రాజ్యవర్థన్ సింగ్ రాథోడ్ ప్రారంభించిన ఫిట్‌నెస్ ఛాలెంజ్‌లో చాలా మంది సినీ తారలు తమ ఫిట్‌నెస్ మంత్రమేంటో తెలియజేశారు. అయితే నేడు అంతర్జాతీయ యోగా దినోత్సవాన్ని పురస్కరించుకుని బాలీవుడ్ క్వీన్ కంగనా రనౌత్ తన ఫిట్‌నెస్ మంత్రమేమిటో చూపించింది. ప్రస్తుతం లండన్‌లో ఉన్న ఆమె.. ఉదయాన్నే పచ్చికపై యోగా మ్యాచ్ వేసుకుని ఆసనాలు వేసింది. తన శరీరాన్ని స్ప్రింగ్‌లా వంచుతూ ఆశ్చర్యానికి గురిచేస్తోంది. యోగాలోని ఎంతో కఠినమైన ఆసనాలను అలవోకగా వేసేసింది. మరి ఆ వీడియోపై మీరూ ఓ లుక్కేయండి..