హృతిక్ విషయంలో రాకేష్ రోషన్ కామెంట్లపై కంగనా సెటైర్లు

బాలీవుడ్ ఫైర్‌బాంబ్‌గా పేరున్న కంగనా రనౌత్ కొంత గ్యాప్ తర్వాత తాజాగా హృతిక్ రోషన్‌పై మరోసారి విరుచుకుపడింది. హృతిక్‌తో కంగనాకు ఉన్న విభేధాలపై స్పందించిన హృతిక్ తండ్రి రాకేష్ రోషన్... హృతిక్‌ని వెనకేసుకురావడమే అందుకు కారణమైంది. అంతేకాకుండా హృతిక్ రోషన్ నోరు విప్పితే ప్రతీ ఒక్కరూ షాక్ అవుతారు అని రాకేష్ చెప్పడం కంగనాకి మరింత కోపం తెప్పించింది. అయినప్పటికీ తనకి తానుగా ఈ విషయంపై ఏమీ మాట్లాడలేదు కంగనా.

అయితే, తాజాగా చేతన్ భగత్ రాసిన ఓ కొత్త నవల ఆవిష్కరణ కోసం విచ్చేసిన కంగనాతో ముచ్చటించిన మీడియా.. హృతిక్ వివాదంలో రాకేష్ రోషన్ చేసిన వ్యాఖ్యలపై మీరు ఏమని స్పందిస్తారు అని అడిగితెలుసుకునే ప్రయత్నం చేసింది. మీడియా అలా అడిగిందో లేదో వెంటనే టక్కున సమాధనం ఇచ్చిన కంగనా... ఎందుకు మగాళ్లు తమ తాముగా పోరాడాలనుకోరు అంటూ మండిపడటం మొదలుపెట్టింది. హృతిక్ రోషన్ ఏమీ చిన్న పిల్లాడు కాడు. ఇప్పుడాయనకు 43 ఏళ్లు. కానీ ఇంత చిన్న విషయానికే రాకేష్ రోషన్‌కి కొడుకుని వెనకేసుకురావాల్సిన అవసరం ఏమొచ్చిందో అర్థం కావడం లేదని ఆగ్రహం వ్యక్తంచేసిందామె. మొదటినుంచీ వీళ్ల వివాదాన్ని నిశితంగా పరిశీలిస్తూ వస్తున్న బాలీవుడ్ మిత్రులు... కంగనా రనౌత్ చేసిన ఈ కామెంట్స్‌పై ఇక తండ్రీ కొడుకులు మళ్లీ ఏమని స్పందిస్తారో అని ఆసక్తిగా గమనిస్తున్నారు.