వైరల్ అవుతున్న కరీనా కొడుకు ఫొటో

బాలీవుడ్ తారలు ఏదో విధంగా వార్తల్లో ఉంటూనే ఉంటారు. మీడియా కూడా వారి వ్యక్తగత విషయాలపైనే ఎక్కువ టార్గెట్ చేస్తుంది. ఎందుకంటే సోషల్ మీడియాలో వాటికే మంచి డిమాండ్. జనం కూడా సెలబ్రెటీల వ్యక్తిగత విషయాలు తెలుసుకోడానికి ఎక్కువ ఆసక్తి చూపుతుంటారు. నిజానికి కరీనా కపూర్, సైఫ్ అలీఖాన్ దంపతులకు మంగళవారం ఉదయం కొడుకు పుట్టాడు. ఈ విషయాన్ని వారే స్వయంగా మీడియాకు ఒక ప్రకటన ద్వారా తెలిపారు. కానీ తల్లీబిడ్డలకు సంబంధించి ఎలాంటి ఫొటోలను విడుదల చేయలేదు.

కానీ సోషల్ మీడియాలో ఒక ఫొటో వైరల్ అవుతోంది. తమ ముద్దుల పటౌడీని చేతుల్లోకి తీసుకుని కరీనా, సైఫ్ కెమెరాకు పోజుచ్చిన ఫొటో ఒకటి సోషల్ మీడియాలో గింగిరాలు కొడుతోంది. నిజానికి అది నకిలీ ఫొటో. కరీనా అక్క, ప్రముఖ బాలీవుడ్ హీరయిన్ కరిష్మా తెలుసు కదా. తనకు బిడ్డ పుట్టినప్పుడు భర్త సంజయ్ కపూర్‌తో కలసి ఫొటో దిగింది. ఆ ఫొటోను ఇప్పుడు మార్ఫింగ్ చేసారు. కరిష్మా ముఖానికి కరీనాను, సంజయ్ ఫేస్‌కి సైఫ్‌ను తగిలించి సోషల్ మీడియాలో పడేసారు. ఇది నిజం ఫొటో అనుకొని అభిమానులు తెగ చూసేస్తున్నారు. మరి మీరూ ఓ లుక్కేయండి.