​రెండో పెళ్లి చేసుకున్న హీరోయిన్ మాజీ భర్త..!

కరిష్మా కపూర్.. నిన్నటి తరం బాలీవుడ్ స్టార్ హీరోయిన్. హీరోయిన్ గా అవకాశాలు తగ్గిపోయిన దశలో సంజయ్ కపూర్ ను వివాహం చేసుకుంది. వీళ్ల దాంపత్యం చాలా సంవత్సరాలు పాటు బాగానే నడిచింది. ఇద్దరు పిల్లలు కూడా పుట్టారు. అయితే ఏమైందో ఏమో కానీ.. తీవ్రమైన బేధాభిప్రాయాలతో వీరు విడిపోయారు. ఆ తర్వాత విడాకులకు దరఖాస్తు చేసుకుని, వాటిని పొంది, చట్టబద్ధంగా విడిపోయారు.

ఈ నేపథ్యంలో సంజయ్ కపూర్ మళ్లీ వివాహం చేసుకున్నారిప్పుడు. చాన్నాళ్లుగా తన సహచరిణిగా ఉంటున్న ప్రియా సచ్ దేవ్ ను సంజయ్ కపూర్ వివాహం చేసుకున్నారు. వీళ్లిద్దరూ ప్రేమలో ఉన్నారని చాన్నాళ్లుగా ప్రచారం జరుగుతోంది. దాన్ని నిజం చేస్తూ ప్రియాను వివాహం చేసుకున్నారు సంజయ్. ప్రియా సచ్ దేవ్ కు కూడా ఇది వరకూ ఒక వివాహం అయ్యింది. భర్త నుంచి విడిపోయారామె. ఇప్పుడు సంజయ్ తో పెళ్లితో మళ్లీ దాంపత్య జీవితంలోకి అడుగు పెట్టారు.

మరోవైపు కరిష్మా కూడా రెండో పెళ్లి ప్రయత్నంలో ఉందనే ప్రచారం ఉంది. సంజయ్ తో విడిపోయాకా ఆమె ఒక వ్యాపారవేత్తతో సన్నిహితంగా ఉంటున్నారు. పలుసార్లు వాళ్లిద్దరూ జంటగా కనిపించారు. త్వరలోనే వారి పెళ్లి కూడా జరగబోతోందని సమాచారం.