మిర మిర మీసం మెలేస్తోన్న పవన్ పాట

'మిరమిరమీసం' అంటూ కాటమరాయుడు సినిమాలో పాటను విడుదల చేసిన సంగతి తెలిసిందే. శుక్రవారం సాయంత్రం యూట్యూబ్‌లో విడుదలైన ఈ పాటను అభిమానులు తమ లైక్స్‌తో ట్రెండ్ క్రియేట్ చేస్తున్నారు. విడుదలైన కొన్ని గంటల్లోనే మిలియన్ వ్యూస్ క్రాస్ చేసి ప్రస్తుతానికి పదమూడు లక్షల వ్యూస్, లక్షకు పైగా లైక్స్‌తో సరికొత్త రికార్డ్‌ను సృష్టించాడు కాటమరాయుడు.

ప్రస్తుతం ట్రెండింగ్‌లో ఒకటిగా నిలిచిన ఈ పాటకు అనూప్ రూబెన్స్ సంగీతం సమకూర్చాడు. మిగిలిన పాటలను కూడా ఒక్కొక్కటిగా విడుదల చేసిన ఈ నెల 18న సినిమా ప్రీరిలీజ్ ఫంక్షన్ జరపనున్నారని తెలుస్తోంది. అయితే తాజాగా కొన్ని పాటలను మాత్రమే ఆన్ లైన్ లో రిలీజ్ చేసి మరికొన్ని పాటలు, సినిమా ట్రైలర్ ను ప్రీరిలీజ్ వేడుకలో రిలీజ్ చేయాలని ఆలోచిస్తున్నారు.

ప్రస్తుతం ఈ సినిమా షూటింగ్ యూరప్‌లో జరుగుతోంది. రెండు పాటల చిత్రీకరణ పూర్తయిన వెంటనే ఈ నెల 14న చిత్రబృందం హైదరాబాద్‌కు తిరిగి పయనమవుతుంది. ఈ నెలాఖరులో సినిమాను విడుదల చేయడానికి ప్లాన్ చేస్తున్నారు.