ఓవర్సీస్‌లో 'కాటమరాయుడు' పరిస్థితేంటి ?

పవర్ స్టార్ పవన్ కల్యాణ్ లేటెస్ట్ సెన్సేషన్ 'కాటమరాయుడు'కు ఓవర్సీస్‌లో కష్టాలు తప్పేలా లేవనే టాక్ వినిపిస్తోంది. అందుకు కారణం ఆ సినిమా కోసం అక్కడి బయ్యర్స్ వెచ్చించినంత రేంజ్‌లో ఇంకా కలెక్షన్స్ రాకపోవడమేనట. వాస్తవానికి రికార్డ్స్ పరంగా ఈ సినిమా ఆల్రెడీ మిలియన్ డాలర్స్ క్లబ్‌లో చేరింది. కానీ అక్కడి డిస్ట్రిబ్యూటర్లు వెచ్చించిన డబ్బులు రావాలంటే, ఈ సినిమా కనీసం 2 మిలియన్ డాలర్స్ అయినా వసూలు చేయాల్సి వుంటుందంటున్నారు ట్రేడ్ ఎక్స్‌పర్ట్స్.

ట్రేడ్ వర్గాలు చెబుతున్న గణాంకాల ప్రకారం.. ఓవర్సీస్‌లో కాటమరాయుడు హక్కులు రూ.11.50 కోట్లకి అమ్ముడు పోయినట్టు తెలుస్తోంది. ఇదేకాకుండా మరో రూ.50 లక్షల వరకు ప్రమోషన్స్ కోసం ఖర్చుచేశారట. అంటే కనీసం రూ.12 కోట్లు వసూలు చేస్తే కానీ ఓవర్సీస్ డిస్ట్రిబ్యూటర్స్ గట్టెక్కే పరిస్థితి లేదంటున్నాయి ట్రేడ్ వర్గాలు. నిన్నటితో ముగిసిన ఫస్ట్ వీకెండ్ కలెక్షన్స్ ఏమైనా ఓవర్సీస్‌లో ఈ సినిమాని గాడినపెడతాయేమో చూడాలి మరి!!