'కాటమరాయుడు' గుట్టు తెలిసింది.. మరి గట్టు ఎక్కేనా!

'వీరమ్' సినిమాకు రీమేక్.. అది కూడా తెలుగులో 'వీరుడొక్కడే' పేరుతో విడుదలైంది. యూట్యూబ్ లో కూడా సినిమా ఉంది. టీవీలో కూడా తరచూ సినిమాను ప్రదర్శిస్తూనే ఉన్నారు. ఇక ఆ సినిమా రీమేక్‌గా చేసిన 'కాటమరాయుడు'లో కొత్తదనం ఏముంటుంది? అనే అభిప్రాయం చాలా మందిలో కలిగింది.

ఇక పవన్ యాంటీ ఫ్యాన్స్ ఈ విషయం పట్టుకొని అదే పనిగా ట్రోల్ చేస్తూనే ఉన్నారు. పవన్ ఫ్యాన్స్ బయటకు కాన్ఫిడెంట్‌గా కనిపిస్తున్నప్పటికీ లోపల ఎక్కడో తెలియని భయం ఉంది. కానీ ఇక వారు ఆ బెంగ పడాల్సిన అవసరం లేదని సమాచారం.

వీరమ్ సినిమా లైన్, అలానే కొన్ని ముఖ్య సన్నివేశాలను మాత్రమే తీసుకున్నారట. మిగిలిన సినిమా మొత్తం పూర్తి భిన్నంగా ఉంటుందని తెలుస్తోంది. ముఖ్యంగా సెకండ్ హాఫ్ మొత్తం కామెడీతో సాగుతుందని చెబుతున్నారు. వీరమ్‌కు కాటమరాయుడుకి సెకండ్ హాఫ్ విషయంలో ఎలాంటి పోలిక ఉండదని చెబుతున్నారు.

దీన్ని బట్టి వీరమ్ సినిమాతో కాటమరాయుడుకి జరిగే డ్యామేజ్ పెద్దగా ఏం ఉండదు, పవన్‌కు కూడా రీమేక్‌లు బాగానే కలిసొచ్చాయి. కాబట్టి ఈ సినిమా కూడా హిట్ ఇస్తుందనే ధీమాను వ్యక్తం చేస్తున్నారు పవన్ ఫ్యాన్స్.