ఫేస్‌బుక్‌లో ‘కాటమరాయుడు’ సీన్స్ లీక్!

పవర్ స్టార్ పవన్ కల్యాణ్ ‘కాటమరాయుడు’గా అదరగొడుతున్నాడు. రెండు తెలుగు రాష్ట్రాల్లో ఇప్పటికే బెన్‌ఫిట్ షోలు ప్రారంభమయ్యాయి. థియేటర్లలో అరుపులు, కేకలతో ఫ్యాన్స్ దుమ్ముదులేపుస్తున్నారు. కొంతమంది ఫ్యాన్స్ ‘కాటమరాయుడు’ సీన్స్‌ని ఫేస్‌బుక్‌లో పోస్ట్ చేస్తున్నారు. పశ్చిమగోదావరి జిల్లా భీమవరం థియేటర్లో ఓ అభిమాని ‘కాటమరాయుడు’ విలన్లకి వార్నింగ్ ఇస్తున్న సన్నివేశాలను ఫేస్‌బుక్‌లో పెట్టాడు. ఓ వైపు తెరపై పవన్ విలన్లకి వార్నింగ్ ఇస్తుంటే.. తెర బయట పవన్ ఫ్యాన్స్ చొక్కాలు విప్పి డ్యాన్యులు చేస్తున్నారు. పవన్ ఫ్యాన్స్ స్టామినా ఏంటో చూపిస్తున్నారు.

కాగా, ‘కాటమరాయుడు’గా పవన్ లుక్ అదిరిపోయిందట. పవన్ ఇంతకుముందెప్పుడు ఇంత మాస్ లుక్‌లో కనిపించలేదని టాక్. పవన్ గత చిత్రాలతో పోల్చితే ‘కాటమరాయుడు’ పూర్తి భిన్నమట. ‘గబ్బర్‌సింగ్’తో పోల్చితే ఈ సినిమాలో శృతిహాసన్ పవన్ కెమిస్ట్రీ బాగా కుదిరిందట. అంతేకాకుండా వీరి లవ్ ట్రాక్ కూడా కొత్తగా ఉందని అంటున్నారు. కామెడీ, సెంటిమెంట్‌తో ప్రేక్షకులను కట్టిపడేశాడట ‘కాటమరాయుడు’. పవన్ సినిమా మామూలుగా ఉంటేనే కలక్షన్లు అదిరిపోతాయి.. మరి హిట్ టాకొచ్చిందంటే రికార్డులు బద్దలవక తప్పదేమో.