‘అజ్ఞాతవాసి’పై కత్తి మహేష్ రివ్యూ ఇది..

భారీ అంచనాల మధ్య విడుదలైన ‘అజ్ఞాతవాసి’ సినిమా పట్ల మిశ్రమ స్పందన వ్యక్తం అవుతోంది. అభిమానులు సినిమా హిట్ అంటుండగా.. సాధారణ ప్రేక్షకులు మాత్రం యావరేజ్ అంటున్నారు. పవన్ కళ్యాణ్‌‌‌పై వరుసగా విమర్శలు చేస్తోన్న కత్తి మహేష్ ఈ సినిమా గురించి ఏం చెబుతాడనే విషయం ఆసక్తి రేపింది. పవన్, త్రివిక్రమ్ కాంబినేషన్లో తెరకెక్కిన ‘అజ్ఞాతవాసి’ గురించి కత్తి మహేష్ రాసిన రివ్యూ కాసేపట్లోనే వైరల్‌గా మారింది.

‘సీరియస్ కథకి కామెడీ కథనంతో చికాకుపెట్టి సినిమాను అపహాస్యం చేసిన సినిమా అజ్ఞాతవాసి. పవన్ కళ్యాణ్, త్రివిక్రమ్ కెరీర్‌లో అత్యంత దారుణమైన సినిమా. రిస్క్ చేసి చూస్తే... టైమెమో... మీ ఇష్టం! (ఈ సినిమా పాట ట్యూన్ లో)’ అంటూ కత్తి మహేష్ ట్విట్టర్ ద్వారా సినిమా గురించి తన అభిప్రాయాన్ని వెల్లడించాడు. కాగా, నెగటివ్‌గా రివ్యూ అందించిన కత్తిపై పవన్ అభిమానులు మండిపడుతున్నారు.

సీరియస్ కథకి కామెడీ కథనంతో చికాకుపెట్టి సినిమాను అపహాస్యం చేసిన సినిమా అజ్ఞాతవాసి. పవన్ కళ్యాణ్, త్రివిక్రమ్ కెరీర్ లో అత్యంత దారుణమైన సినిమా. రిస్క్ చేసి చూస్తే...టైమెమో... మీ ఇష్టం!(ఈ సినిమా పాట ట్యూన్ లో). — Kathi Mahesh (@kathimahesh) January 10, 2018