‘టచ్ చేసి చూడు’: కత్తి మహేష్ రివ్యూ

గతేడాది ‘రాజా ది గ్రేట్’తో బంపర్ హిట్ సాధించిన మాస్ మహారాజ్ రవితేజ ఈ ఏడాది ‘టచ్ చేసి చూడు’ అంటూ వచ్చాడు. శుక్రవారం విడుదలైన ఈ సినిమాపై భిన్న అభిప్రాయాలు వెల్లడవుతున్నాయి. ట్విట్టర్లో దీనిపై నెగటివ్ టాక్ నడుస్తోంది. ఈ నేపథ్యంలో సినీ విమర్శకుడు కత్తి మహేష్ ఈ సినిమా రివ్వూను ట్వీట్ చేశాడు. ఈ సినిమాను ‘టచ్’ చేయకపోవడమే బెటర్ అంటూ సెటైర్ వేశాడు.

‘‘టచ్ చేసి చూడు అర్థపర్థంలేని యాక్షన్ డ్రామా. సెన్స్‌లెస్ స్టోరీ. ఎయిమ్ లెస్ సీన్స్. రవితేజ తన సమయం వేస్ట్ చేసుకున్నాడు. టచ్ చెయ్యకపోతేనే బెటర్’’ అని పేర్కొన్నాడు. విక్రమ్ సిరికొండ దర్శకత్వంలో రూపొందిన ఈ సినిమాలో రవితేజ సిన్సియర్ పోలీస్ ఆఫీసర్‌గా నటించాడు. రాశీఖన్నా, సీరత్ కపూర్ హీరోయిన్లుగా నటించారు.
#TouchChesiChoodu is a meaningless action drama. Senseless story. Aimless scenes. Raviteja is wasted. Touch చెయ్యకపోతేనే better! pic.twitter.com/1vOUWIbGoR — Kathi Mahesh (@kathimahesh) February 2, 2018 మహేష్ ఇచ్చిన రివ్యూపై.. ఆ సినిమా చూసిన కొంతమంది ప్రేక్షకులు భిన్నంగా స్పందించారు. సినిమా బాగుందని, కత్తి మహేష్ రివ్యూను నమ్మొద్దని కోరుతున్నారు. మరికొందరైతే కత్తిపై తిట్టదండకం ఎత్తుకున్నారు. అది అతని వ్యక్తిగత అభిప్రాయం మాత్రమేనని, సినిమా అందరికీ నచ్చుతుందని పలువురు వ్యాఖ్యానించారు.