టాప్ హీరోలు లక్ష్యంగా కత్తి మహేష్ ట్వీట్

టాలీవుడ్‌ను శ్రీలీక్స్ దుమారం కుదిపేస్తోంది. తెలుగు సినిమా ఇండస్ట్రీలోని కాస్టింగ్ కౌచ్ గురించి శ్రీరెడ్డి బయటపెడుతోంది. సినీ ప్రముఖు బాగోతాలను ఆమె బజారుకీడుస్తోంది. శ్రీరెడ్డి వ్యవహరం కారణంగా తెలుగు ఫిల్మ్ ఛాంబర్ ఆఫ్ కామర్స్ CASH పేరిట ఓ కమిటీని ఏర్పాటు చేస్తున్నట్లు ప్రకటించింది. శ్రీరెడ్డిపై నిషేధం విధించిన ‘మా’ తర్వాత వెనక్కి తగ్గింది. ఒక్క తెలుగు సినీ పరిశ్రమనే కాకుండా యావత్ దేశం దృష్టిని శ్రీలీక్స్ వ్యవహారం ఆకర్షిస్తోంది.

ఈ వ్యవహారంలో కొందరు ఆమెకు అండగా నిలుస్తుండగా.. మరికొందరు ఆమె తీరును వ్యతిరేకిస్తున్నారు. ఆమెకు అండగా నిలుస్తోన్నవాళ్లలో మూవీ క్రిటిక్ కత్తి మహేష్ ఒకడు. శ్రీరెడ్డికి సపోర్ట్‌గా టీవీ డిబెట్లలో పాల్గొంటున్న కత్తి.. కాస్టింగ్ కౌచ్ గురించి గళం వినిపిస్తున్నాడు.

శ్రీరెడ్డి చేస్తున్న ఆరోపణల గురించి తెలుగు అగ్రహీరోలెవరూ నోరు మెదపడం లేదు. దీంతో వీరిని లక్ష్యంగా చేసుకొని కత్తి మహేష్ ట్వీట్లతో చెలరేగిపోయాడు. "బావా! ఫిల్మ్ ఇండస్ట్రీలో ఇంత రచ్చ జరుగుతుంటే, ఈ మెగాలు, గిగాలు, సూపర్‌లు, పవర్‌లు ఒక్క మాట బాధిత మహిళల గురించి అనడం లేదు. ఎందుకు?"

వాళ్ల పేర్లు బయటకు రాలేదని సంతోషిస్తున్నారో! మనకెందుకులే అని అన్ని విషయాల్లాగా ఉరుకుంటున్నారో నాకూ తెలియదు బామ్మర్ది!’’ అంటూ సెటైరికల్‌గా ట్వీట్ చేశాడు. ఇండస్ట్రీలో అమ్మాయిలను వేధించాడనే ఆరోపణలు ఎదుర్కొన్న కత్తి మహేష్ కాస్టింగ్ కౌచ్ గురించి మాట్లాడటం ఏంటని కొందరు నెటిజన్లు మండిపడుతున్నారు.