మాజీ బాయ్‌ఫ్రెండ్ సల్మాన్‌నే సలహా అడిగిన కత్రినా కైఫ్

గతేడాది వచ్చిన రెండు బ్యాక్ టు బ్యాక్ ఫ్లాప్స్ ఫితూర్, బార్ బార్ దేఖో సినిమాలు పరాజయం బాటపట్టడంతో కెరీర్‌లో డౌన్ ఫాల్ చవిచూస్తోన్న కత్రినా కైఫ్‌కి తాజాగా ఓ కెరీర్ గురు దొరికాడు. ఆమెకు కెరీర్‌కి సంబంధించిన సలహాలు ఇస్తున్న గురు ఎవరో కాదు... కత్రినా మాజీ బాయ్ ఫ్రెండ్ సల్మాన్ ఖానే. అవును... వీళ్లిద్దరూ కలిసి నటించనున్న తర్వాతి చిత్రం టైగర్ జిందా హై మూవీ షూటింగ్ ఇంకా సెట్స్‌పైకి వెళ్లకముందే ఆమె సల్మాన్‌తో రెగ్యులర్‌గా టచ్‌లో వుంటూ కొన్ని టిప్స్ తీసుకుంటోందట. అంతేకాకుండా చిత్రాల ఎంపికలోనూ సల్మాన్ గైడెన్స్ తీసుకుంటున్నట్టు తెలుస్తోంది.

సల్మాన్ ప్రస్తుతం చేస్తోన్న ట్యూబ్ లైట్ మూవీ షూటింగ్ కూడా ఇటీవలే పూర్తయింది. ఈ సినిమా షూటింగ్ పూర్తయిన సందర్భంగా ఏర్పాటు చేసిన వ్రాపప్ పార్టీలో డైరెక్టర్ కబీర్ ఖాన్, సల్మాన్ ఖాన్ లతో సరదాగా ఎంజాయ్ చేసి వెళ్లిన కత్రినా కైఫ్ ప్రస్తుతం లండన్ లో కుటుంబంతో హాలీడేయింగ్ లో వుంది.