‘కవచం’ జ్యూక్‌బాక్స్.. మరోసారి ఆకట్టుకున్న థమన్

బెల్లంకొండ సాయి శ్రీ‌నివాస్ పవర్‌ఫుల్ పోలీస్ అధికారిగా నటించిన తాజా చిత్రం ‘కవచం’. కాజ‌ల్, మెహ్రీన్ హీరోయిన్లుగా నటించారు. పూర్తిస్థాయి యాక్షన్ ఎంటర్‌టైనర్‌గా తెరకెక్కిన ఈ చిత్రం ద్వారా శ్రీనివాస్ మామిళ్ల దర్శకుడిగా పరిచయమవుతున్నారు. వంశధార క్రియేషన్స్ పతాకంపై నవీన్ చౌదరి సొంటినేని(నాని) ఈ చిత్రాన్ని నిర్మించారు. హర్షవర్థన్ రానే, బాలీవుడ్ నటుడు నీల్ నితిన్ ముఖేష్ కీలక పాత్రల్లో నటించారు. ఈనెల 7న ఈ చిత్రం ప్రేక్షకుల ముందకు వస్తోంది. ఈ నేపథ్యంలో తాజాగా చిత్రంలోని అన్ని పాటలను విడుదల చేశారు.

‘కవచం’ ఆడియో హక్కులను సొంతం చేసుకున్న ఆదిత్య మ్యూజిక్ ఈ సినిమా జ్యూక్‌బాక్స్‌ను యూట్యూబ్‌లో అప్‌లోడ్ చేసింది. ఈ జ్యూబ్‌బాక్స్‌లో మొత్తం ఐదు పాటలున్నాయి. ఎస్.ఎస్.థమన్ స్వరపరిచిన ఈ ఐదు పాటలు చాలా బాగున్నాయి. ముఖ్యంగా ‘వస్తావా పిల్ల’, ‘నాలుగు పెదవులు’ పాటలు యువతను ఆకట్టుకునేలా ఉన్నాయి. శ్రీనిధి తిరుమల ఆలపించిన ‘తుల్హారా తుమ్హారా’ అనే మెలోడీ కూడా చాలా బాగుంది. చంద్రబోస్, రామజోగయ్య శాస్త్రి చెరో రెండు పాటలకు సాహిత్యం అందించగా.. శ్రీమణి ఒక పాట రాశారు.