Rajamouli: కీరవాణి ఫస్ట్ టైమ్ ఏడ్చేశారు.. ఆ వీడియో చూసి కన్నీళ్లు ఆగలేదు.. థాంక్స్ చెప్పిన రాజమౌళి

RRR చిత్రం ఆస్కార్ అవార్డ్ (Oscars Award) సాధించడం పట్ల ప్రపంచవ్యాప్తంగా ప్రముఖుల నుంచి ప్రశంసలు అందుకుంటోంది. ఇప్పటి వరకు ఏ భారతీయ సినిమాకు దక్కని గౌరవాన్ని పొందడంతో రెండు రోజులుగా RRR సంగతులే నెట్టింట వైరల్ అవుతున్నాయి. అలాగే ఈ చిత్రంలోని ‘నాటు నాటు’ (Naatu Naatu) సాంగ్‌కు అవార్డ్ ప్రకటించడం.. మ్యూజిక్ డైరెక్టర్ కీరవాణి (Keeravani), లిరిసిస్ట్ చంద్రబోస్ (Chandrabose) వేదికపై ట్రోఫీని అందుకోవడం చూసిన ప్రతి భారతీయుడి గుండె గర్వంతో ఉప్పొంగింది. అయితే ఇంత పెద్ద పురస్కారాన్ని గెలిచిన తర్వాత కూడా తన ఎమోషన్స్‌ను బయటపడనీయని కీరవాణి.. ఒక్క వీడియో చూశాక మాత్రం తనను తాను కంట్రోల్ చేసుకోలేకపోయారు. మరి ఆ వీడియో వెనకున్న స్టోరీ ఏంటంటే..ఆస్కార్ వేదికపై అవార్డ్ స్వీకరించి తర్వాత మాట్లాడిన కీరవాణి.. తాను రిచర్డ్ కార్పెంటర్ (Richard Carpenter) (ప్రముఖ అమెరికన్ మ్యూజిషియన్) పాటలు వింటూ పెరిగానని వెల్లడించారు. అంతేకాదు ఈ సందర్భంగా RRR దర్శకుడు రాజమౌళితో పాటు నాటు నాటు సాంగ్ కోసం పనిచేసిన వారందరికీ ఒక పాట రూపంలో థాంక్స్ చెప్పారు. దీని కోసం కార్పెంటర్ బ్యాండ్‌కు సంబంధించిన ఐకానిక్ ట్రాక్ ‘ఆన్ టాప్ ఆఫ్ ది వరల్డ్’ (On Top of the World) ఉపయోగించినట్లు తెలిపారు. అయితే ఇప్పుడు ఏకంగా రిచర్డ్ కార్పెంటర్ నుంచి కీరవాణి, చంద్రబోస్‌ స్పెషల్ వీడియో అందుకున్నారు. ఆస్కార్ గెలుచుకున్న వీరిద్దరినీ అభినందించేందుకు కార్పెంటర్ తన ఫ్యామిలీతో కలిసి ‘టాప్ ఆఫ్ ది వరల్డ్’ రీజిగ్డ్ వెర్షన్ పాడగా.. ఈ ఇన్‌స్టాగ్రామ్ రీల్ సోషల్ మీడియాలో హల్ చల్ చేస్తోంది.
Krishna Vamshi: ‘రంగమార్తాండ’ డిజిటల్ స్ట్రీమింగ్ రైట్స్.. సొంతం చేసుకున్న ప్రముఖ ఓటీటీ!
ఇక కార్పెంటర్ అప్రిషియేషన్ వీడియోపై దర్శకులు ఎస్ఎస్ రాజమౌళి స్పందించారు. ‘సర్.. ఈ ఆస్కార్ క్యాంపెయిన్ అంతటా మా అన్నయ్య కీరవాణి ప్రశాంతంగా ఉన్నారు. అవార్డ్ గెలవడానికి ముందు లేదా తర్వాత కూడా ఆయన ఎప్పుడూ ఎమోషన్స్‌ను బయట పెట్టలేదు. కానీ వీడియో చూసిన క్షణాన.. తన కన్నీళ్లను కంట్రోల్ చేసుకోలేకపోయారు. మా కుటుంబానికి ఇది మరపురాని క్షణం.. ధన్యవాదాలు’ అని కార్పెంటర్ ఇన్‌స్టా వీడియో పోస్ట్‌కు రిప్లయ్ ఇచ్చారు.

మరోవైపు కీరవాణి సైతం ‘ఇది నేను ఊహించని విషయం. ఆనంద భాష్పాలు రాలుతున్నాయి. యూనివర్స్ నుంచి అద్భుతమైన బహుమతి’ అని పేర్కొన్నారు. అలాగే రామ్ చరణ్ వైఫ్ ఉపాసన.. ‘దిస్ ఈజ్ సో లవ్లీ’ అని కామెంట్ చేశారు. ఇదిలా ఉంటే, బుధవారం హైదరాబాద్‌కు తిరిగొచ్చిన కీరవాణి.. ‘ప్రియమైన జననీ. మీ మద్దతు మమ్మల్ని అట్లాంటిక్ జలాలను దాటేలా చేసింది, అగ్నిని సజీవంగా ఉంచింది. చరిత్ర సృష్టించింది’ అని ట్విట్టర్‌లో పోస్టు చేశారు.

• Read latest Tollywood updates and Telugu News