‘పెంగ్విన్’ టైటిల్ లుక్.. గర్భం దాల్చిన కీర్తి సురేష్

సినిమా నేపథ్యమున్న కుటుంబం నుంచి వచ్చిన కీర్తి సురేష్ ప్రస్తుతం తనకంటూ ప్రత్యేక ఇమేజ్‌ను ఏర్పరుచుకున్నారు. మొదట హీరోల పక్కన హీరోయిన్‌గా చేసిన కీర్తి సురేష్.. ‘మహానటి’తో నాయికా ప్రాధాన్యమున్న సినిమాలు చేయగలనని నిరూపించారు. ప్రస్తుతం ఆమెకు వస్తోన్న అవకాశాలు కూడా ఇవే. ఇప్పుడు ఆమె మూడు లేడీ ఓరియెంటెడ్ సినిమాలు చేస్తున్నారు. వాటిలో తమిళ దర్శకుడు కార్తిక్ సుబ్బరాజ్ సమర్పణలో చేస్తున్న సినిమా ఒకటి. ఈ సినిమాకు ‘పెంగ్విన్’ అనే టైటిల్‌ను ఖరారు చేశారు. ఈ సినిమా తెలుగులోనూ విడుదలవుతోంది.

Also Read: ఆ రీమేక్‌లో పవన్ కళ్యాణా.. వర్క్‌అవుట్‌ అవుతుందా?

నేడు (అక్టోబర్ 17న) కీర్తి సురేష్ పుట్టినరోజును పురష్కరించుకుని ‘పెంగ్విన్’ టైటిల్ లుక్‌ను విడుదల చేశారు. టైటిల్ లుక్ పోస్టర్ అదిరిపోయింది. ఈ పోస్టర్‌లో కీర్తి సురేష్ గర్భం దాల్చి కనిపించారు. ఆమె ఆకారం చూడటానికి పెంగ్విన్ పక్షిలా ఉంది. టైటిల్‌కు తగ్గట్టుగా ఆమె లుక్‌ను డిజైన్ చేశారు. ఈ పోస్టర్ చూస్తుంటే సినిమా కథ చాలా వైవిధ్యంగా ఉండనున్నట్టు
అర్థమవుతోంది.

See Photo Story:'మహానటి' కీర్తి సురేష్ బర్త్ డే స్పెషల్.

కాగా, ఈ సినిమాకు ఈశ్వర్ కార్తిక్ దర్శకత్వం వహిస్తున్నారు. కార్తికేయన్ సంతానం, కాల్ రామన్, ఎస్.సోమసేగెర్, కళ్యాణ్ సుబ్రమణియన్ సంయుక్తంగా ఈ చిత్రాన్ని నిర్మిస్తున్నారు. సంతోష్ నారాయణన్ సంగీతం సమకూరుస్తున్నారు. ఈ సినిమాతో పాటు మహేష్ ఎస్. కోనేరు నిర్మిస్తోన్న ‘మిస్ ఇండియా’, నగేష్ కుకునూర్ దర్శకత్వంలో తెరకెక్కుతోన్న సినిమాలోనూ కీర్తి సురేష్ ప్రధాన పాత్రలు పోషిస్తున్నారు. ఈ రెండూ లేడీ ఓరియెంటెడ్ మూవీసే.