Keerthy Suresh: సమంత గురించి చెప్పాలంటే చాలా ఉంది.. అక్కినేని కోడలిపై కీర్తి సురేష్ కామెంట్స్

మహానటి సినిమాతో తెలుగు ప్రేక్షకుల మదిలో చెరగని స్థానాన్ని ఏర్పర్చుకున్న యంగ్ హీరోయిన్ కీర్తి సురేష్.. ప్రస్తుతం పలు సినిమాలతో ఫుల్ బిజీగా ఉంది. లాక్‌డౌన్‌లో కూడా ఆమె హవా నడుస్తోంది. థియేటర్లు ఓపెన్ కాకున్నా ఆన్‌లైన్ వేదికలపై కీర్తి సినిమాలు రిలీజ్ అవుతున్నాయి. ఈ నేపథ్యంలో తాజాగా తన కొత్త సినిమా ప్రమోషన్ కోసం అభిమానులతో చిట్ చాట్ చేసిన ఈ ముద్దుగుమ్మ తోటి హీరోయిన్ సమంత గురించి ఆసక్తికరంగా కామెంట్ చేసింది.

తన అభిమానులు అడిగిన ప్రశ్నలకు చాలా ఓపికగా సమాధానాలు చెప్పింది కీర్తి సురేష్. ఈ క్రమంలో స్టార్ హీరోయిన్ సమంత గురించి ఓ మాట చెప్పమని కోరాడు ఓ నెటిజన్. దీనిపై రియాక్ట్ అయిన కీర్తి సురేష్.. సమంత గురించి ఒక్క మాట చెబితే సరిపోదని తెలుపుతూ ఆమెను ఆకాశానికెత్తింది. సామ్ చాలా స్మార్ట్ అని, ప్రయోగాత్మక సినిమాలు చేస్తూ అభిమానులను అలరించడంలో ఎప్పుడూ ముందుంటుందని, అంతేకాదు ఇప్పటి హీరోయిన్లందరికీ ఇన్స్పిరేషన్ సమంతనే అని చెప్పుకోవచ్చంటూ అక్కినేని అభిమానులను హుషారెత్తించింది.

Also Read: నోటికొచ్చినట్లు మాట్లాడారు.. ఎవడ్రా చె***.. బిగ్ బాస్ బ్యూటీ హిమజ సీరియస్ వార్నింగ్

ఇకపోతే కీర్తి సురేష్ లేటెస్ట్ మూవీ 'మిస్ ఇండియా' విడుదలై ప్రేక్షకుల నుంచి మిశ్రమ స్పందన పొందింది. నరేంద్రనాథ్ దర్శకత్వంలో రూపొందిన ఈ సినిమాలో జగపతి బాబు,రాజేంద్ర ప్రసాద్‌,వీకే నరేశ్‌,నదియా,నవీన్‌ చంద్ర,సుమంత్‌ శైలేంద్ర,పూజిత పొన్నాడ తదితరులు కీలక పాత్రలు పోషించారు.