‘టాప్’గేర్‌లో దూసుకుపోతున్న కీర్తి సురేష్

నిన్న మొన్నటి వరకు కీర్తి సురేష్ అంటే ఎవరికి పెద్దగా పరిచయం కూడా లేదు.. 'నేను శైలజ' సినిమాలో నటించిన తరువాత తమిళ ప్రాజెక్ట్స్‌తో బిజీగా ఉండడం వలన టాలీవుడ్‌లో సినిమాలు అంగీకరించలేదు. అయితే ఇప్పుడు వరుసగా పవన్ కల్యాణ్, మహేష్ బాబు వంటి
స్టార్ హీరోలతో నటించే అవకాశాలు దక్కించుకుంటూ దూసుకుపోతుంది. ప్రస్తుతం తెలుగులో ఈ భామ నానితో జోడీకట్టిన 'నేను లోకల్' సినిమా విడుదలకు సిద్ధంగా ఉంది. త్వరలోనే త్రివిక్రమ్, పవన్ కల్యాణ్‌ల కాంబినేషన్‌లో రాబోతున్న సినిమా షూటింగ్‌లో పాల్గోనుంది.

తాజాగా ఈ భామ స్టైలిష్ స్టార్ అల్లు అర్జున్ సినిమాలో కూడా ఛాన్స్ కొట్టేసినట్లు టాక్. బన్నీ ప్రస్తుతం హరీష్ శంకర్ దర్శకత్వంలో 'దువ్వాడ
జగన్నాథం' సినిమాలో నటిస్తున్నాడు. ఈ సినిమా తరువాత బన్నీ దర్శకుడు లింగుస్వామితో ఓ సినిమా చేయనున్నాడు. ప్రస్తుతం ఈ సినిమాకు సంబంధించిన స్క్రిప్ట్ పనులు జరుగుతున్నాయి. యాక్షన్ అడ్వెంచర్ నేపధ్యంలో తెరకెక్కనున్న ఈ సినిమాలో హీరోయిన్ గా చాలా మందిని పరిశీలించినప్పటికీ ఫైనల్‌గా కీర్తి సురేష్‌ను ఎంపిక చేసినట్లు సమాచారం.

జ్ఞానవేల్ రాజా నిర్మించే ఈ సినిమా మార్చి నుండి సెట్స్ పైకి వెళ్లనుంది. ఇలా వరుసగా టాలీవుడ్ స్టార్ హీరోల సరసన జతకట్టి ఇండస్ట్రీలో మహారాణిగా చెలామణి అవుతుందేమో చూడాలి.