ఖైదీ విడుదల రోజు హాలీడే!

మెగా స్టామినా దేశ విదేశాలకు పాకింది. ఖైదీనెం.150 మూవీ విడుదల ఎప్పుడెప్పుడా అని ఎదురుచూస్తున్న మెగా అభిమానులు తెలుగు రాష్ట్రాల్లోనే కాక ప్రపంచం నలుమూలలా ఉన్నారు. దాదాపు తొమ్మిది సంవత్సరాల తరువాత రీ ఎంట్రీ ఇస్తున్న మెగాస్టార్‌ని స్క్రీన్‌పై చూడటం కోసం రియాద్ దేశంలో హాలీడే ప్రకటించారంటే మేగా మేనియా ఏ స్థాయిలో ఉందో ఊహించుకోవచ్చు.

ఈ మధ్య కాలంలో తమిళ సూపర్ స్టార్ రజనీకాంత్ నటించిన కబాలి చిత్ర రిలీజ్ టైం లోనూ, జూనియర్ ఎన్టీఆర్ జనతా గ్యారేజ్ మూవీకి కొన్ని సంస్థలు హాలిడే ప్రకటించి వార్తల్లో నిలిచిన నిలిచాయి. తాజాగా మెగా స్టార్ చిరంజీవి నటించిన ఖైదీ కోసం అలాంటి హాలిడేని ప్రకటించారు.

రియాద్ దేశంలోని ఓ కన్‌స్ట్రక్షన్ కంపెనీ వారు ‘ఖైదీనెం. 150’ సినిమా విడుదల సందర్భంగా తమ కంపెనీలో పనిచేస్తున్న ఉద్యోగులకోసం జనవరి 11న సెలవు ప్రకటించింది. ఈ విషయాన్ని ఆ సంస్థలో పనిచేసే ఉద్యోగి సోషల్ మీడియాలో ట్వీట్ చేయడంతో హాట్ టాపిక్ అయ్యింది.

గతంలో ఈ కంస్ట్రక్షన్ కంపెనీలో పనిచేసే తెలుగు ఉద్యోగులు చిరంజీవి సినిమా విడుదలప్పుడు ఏదో ఒక సాకుగా మూకుమ్మడిగా సెలవులు పెట్టడంతో మళ్లీ అలాంటి పరిస్థితులు రావొచ్చని భావించి కంపెనీ ఏకంగా సెలవు ప్రకటించడం విశేషం. మొత్తానికి ఖైదీ మేనియా విదేశాలకు చేరడంలో మెగా అభిమానులు ఫుల్ జోష్‌లో ఉన్నారు.