ఖైదీ ‘సుందరీ’ సాంగ్ వచ్చేసింది

మెగా స్టార్ ‘అమ్మడు లెట్స్ కుమ్ముడ్ని’ మెగా అభిమానులు ఓ రేంజ్‌లో ఎంజాయ్ చేస్తుంటే .. క్రిస్ట్‌మస్ సందర్భంగా చిరు మరో సాంగ్‌తో ఎంట్రీ ఇచ్చాడు. ‘సన్న జాజిలా పుట్టే సిందిరో.. మల్లె తీగలా చుట్టేసిందిరో... తేనె టీగలా కుట్టేసిందిరో సుందరీ’ అంటూ చిరు కాజల్‌ని వర్ణిస్తూ పాడిన ఈ పాటకు చిరు ఫాన్స్ ఫిదా అయిపోతున్నారు.చిరంజీవి అప్ కమింగ్ మూవీ ఖైదీ నెంబర్ 150 సినిమాకి చెందిన ఫస్ట్ లుక్ , టీజర్, అమ్మడు లెట్స్ డూ కుమ్ముడు సాంగ్ సోషల్ మీడియాలో ఇప్పటికే సందడి చేయడంతో తాజాగా సుందరి సాంగ్‌ కోసం పేక్షకులు ఆసక్తితో ఎదురుచూశారు.

దేవిశ్రీ ప్రసాద్ సమకూర్చిన సంగీతం మెగా అభిమానులని ఉర్రూతలూగిస్తున్నాయి. కాజల్, చిరంజీవి ఇందులో జోడిగా కనిపిస్తున్న సంగతి తెలిసిందే. ఈనెల 25న ఖైదీ పాటలు నేరుగా మార్కెట్‌లో విడుదల కానున్నాయి. ఈలోపు ఖైదీ నుండి ఒక్కోపాటను రిలీజ్ చేస్తూ సినిమాపై హైప్‌ని క్రియేట్ చేస్తున్నారు. తాజాగా రిలీజ్ అయిన చిరు కాజల్ ‘సుందరీ’ సాంగ్ మీకోసం..