VBVK: జెట్ స్పీడ్‌లో కిరణ్ అబ్బవరం.. మరో మూవీ అప్‌డేట్

యంగ్ హీరో కిరణ్ అబ్బవరం (Kiran Abbavaram) కెరీర్‌లో జెట్ స్పీడ్‌లో దూసుకుపోతుంది. ఇటీవలె సమ్మతమే (Sammathame) మూవీతో ఆడియన్స్‌ను అలరించిన అతను.. 'నేను మీకు బాగా కావాల్సినవాడిని' (Nenu Meeku Baaga Kavalsinavaadini) అనే మూవీని సెట్స్‌‌పై రెడీ ఉంచాడు. ఈ సినిమా టీజర్‌ను రిలీజ్ చేయగా ఆడియన్స్ నుంచి మంచి రెస్పాన్స్ వచ్చింది. ప్రస్తుతం ఈ సినిమా షూటింగ్ శరవేగంగా సాగుతోంది.

ఈ సినిమా సెట్స్‌పై ఉండగానే మరో మూవీ సంబంధించిన అప్‌డేట్ ఇచ్చాడు ఈ యంగ్ హీరో. 'వినరో భాగ్యము విష్ణు కథ' (Vinaro Bhagyamu Vishnu Katha) అంటూ గతంలో ఓ సినిమాకు శ్రీకారం చుట్టిన సంగతి తెలిసిందే. అల్లు అరవింద్ సమర్పణలో బన్నీవాసు నిర్మించనున్నాడు. మురళి కిషోర్ అబ్బురి డైరెక్షన్‌లో ఈ సినిమా తెరకెక్కనుంది. ఎప్పుడో పూజ కార్యక్రమాలు పూర్తి చేసుకున్న ఈ సినిమాకు సబంధించి.. బుధవారం సాయంత్రం 5 గంటలకు అప్‌డేట్ ఇస్తున్నట్లు మూవీ మేకర్స్ ప్రకటించారు. ఈ మేరకు టైటిల్ పోస్టర్‌ను రిలీజ్ చేశారు.

కాగా.. కిరణ్ అబ్బవరం విషయానికి వస్తే.. హిట్, ఫ్లాపులతో సంబంధం లేకుండా ఈ యంగ్ హీరో వరుస సినిమాలకు పచ్చజెండా ఊపుతున్నాడు. 'రాజా వారు రాణి గారు' సినిమాతో టాలీవుడ్ ఎంట్రీ ఇచ్చిన కిరణ్.. ఎస్ఆర్ కళ్యాణమండపం సినిమాతో మంచి పేరు తెచ్చుకున్నాడు. ఆ తరువాత సెబాస్టిన్ మూవీతో వచ్చిన ఆడియన్స్‌ను ఆకట్టుకోలేకపోయాడు. ఇటీవల సమ్మతమే సినిమాతో ప్రేక్షకులకు ముందుకు వచ్చాడు. ఈ సినిమా మిక్స్‌డ్ టాక్‌ను సొంతం చేసుకోగా.. మరో రెండు కొత్త చిత్రాలతో అలరించేందుకు రెడీ అవుతున్నాడు ఈ యంగ్ హీరో.