రణ్‌వీర్‌ను కండోమ్ బాక్స్ తీసుకెళ్లమన్న ఫరాఖాన్!

ఉన్నది ఉన్నట్లుగా చెప్పడంలో బాలీవుడ్ డ్యాన్స్ మాస్టర్, డైరెక్టర్ ఫరాఖాన్ ముందు వరుసలో ఉంటారు. తాజాగా కరణ్ జోహర్ నిర్వహిస్తున్న కాఫీ విత్ కరణ్ టెలివిజన్ కార్యక్రమంలో ఫరాఖాన్ ఓ కొంటె ప్రశ్నకు సరదాగా సమాధానం చెప్తూ పై విధంగా స్పందించారు. రణవీర్ సింగ్ పెట్టెల కొద్దీ కండోమ్స్ తీసుకెళ్లాలని బాహాటంగా చెప్పేసింది. ఒకవేళ రణవీర్ మరిచిపోతే రణబీర్ కపూర్ వాటిని తీసుకెళ్లాలని సూచించింది.

అసలు కండోమ్స్ గురించి వీరి మధ్య చర్చ రావడానికి కరణ్ జోహర్ అడిగిన వింత ప్రశ్నే కారణం. రణవీర్ సింగ్, రణబీర్ కపూర్‌లు డేటింగ్ వెళ్తే వారికి నువ్విచ్చే సలహా ఏంటని ప్రశ్నించాడు. దీంతో ఆ కార్యక్రమంలో వెంట వెంటనే సమాధానాలు చెప్పాల్సి రావడంతో ఫరాఖాన్ కండోమ్ గురించి చెప్పేసి నాలుక కరుచుకుంది. ఆ సమయంలో ఆమె పక్కన భారత టెన్నిస్ స్టార్ సానియా మీర్జా కూడా ఉంది. దీనిపై నెటిజన్లు ఆసక్తికరంగా చర్చించుకుంటున్నారు.